Փաշինյանը մանրամասներ ներկայացրեց Բաքվից փոխանցված առաջարկներից․ ՏԵՍԱՆՅՈՒԹ

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

«Շատ հաճախ մեր հանրային հարթակներում, սոցցանցերում որպես ահազանգ ներկայացվում է, թե Կառավարությունը պատրաստվում է ինչ-որ թուղթ ստորագրել: Ես ուզում եմ ձեզ հավաստիացրել, որ եթե մենք ունենանք իրավիճակ, որ մնացել է 1, 2, 3 օր, որ մենք ինչ-որ թուղթ ենք ստորագրելու, դա իրականում շատ լավ նորություն կլինի, ոչ թե վատ նորություն, ոովհետև դա կնշանակի, որ բանակցային գործընթացներում մենք ունեցել ենք առաջընթաց և հասել ենք արդյունքի, որը մեր երազանքների արդյունքը չէ, բայց արդյունք է, որը պիտի ապահովի երկարաժամկետ խաղաղություն, կայունություն և զարգացում»,- այսօր հրավիրված ասուլիսում հայտարարեց ՀՀ վարչապետ Նիկոլ Փաշինյանը՝ արձագանքելով ԼՂ Ազգային ժողովի խմբակցությունների հայտարարությանը, որով պահանջում են Հայաստանի Հանրապետության իշխանություններից՝ հավատարիմ մնալ ՀՀ Գերագույն խորհրդի 1992 թ. հուլիսի 8-ի որոշմանը և կասկածի տակ չդնել Արցախի ժողովրդի ինքնորոշման իրավունքը։

«Փետրվարի կեսերին մենք մեր հերթական արձագանքը խաղաղության պայմանագրի հնարավոր նախագծի վերաբերյալ փոխանցել էինք Ադբեջանին և 2-3 օր առաջ ստացել ենք Ադրբեջանի արձագանքը մեր նախագծի վերաբերյալ: Ի՞նչ կարող եմ ասել այդ փաստաթղթի առումով: Կարող եմ ասել հետևյալը. պետք է ընդգծել, որ որոշակի առաջընթաց տեսնում ենք, բայց ինչքան առաջ ենք գնում, այնքան ի հայտ են գալիս ֆունդամենտալ պրոբլեմներ: Առաջինը՝ մենք տեսնում ենք, որ Ադրբեջանը փորձում է խաղաղության հաստատման և հարաբերությունների հաստատման հնարավոր պայմանագրի միջոցով ՀՀ-ին տարածքային պահանջներ կամ նկրտումներ ձևակերպել, ինչը հասկանալիորեն և բնականաբար կարմիր գիծ է մեզ համար:

Հաջորդը՝ տեսնում ենք, որ տեքստի առաջարկներով Ադրբեջանը փորձում է ԼՂ-ում ցեղասպանություն կամ էթնիկ զտումներ իրականացնելու մանդատ ձեռք բերել՝ այդ թվում ՀՀ ստորագրությամբ: Դա, բնականաբար, նույնպես կարմիր գիծ է մեզ համար: Մենք տեսնում ենք նաև, որ Ադրբեջանը փորձում է, ձգտում է, դա մեր մեկնաբանությունն է, քանի որ Ադրբեջանի առաջարկներում նշված չէ, որ սույն պայմանագրով ստանում է ԼՂ հայության նկատմամբ ցեղասպանություն իրականացնելու մանդատ և թույլտվություն: Եթե ես սա ասում եմ, համոզված եմ, որ այդ հիմնավորումները կարող եմ բերել»,- նշեց Փաշինյանը:

Հաջորդ խնդիրը, ըստ վարչապետի, այն է, որ Ադրբեջանը հետապնդում է այնպիսի գիծ, որ, ըստ էության, մենք պայմանագրի նույնիսկ ստորագրված պայմանագրի կատարման երաշխիքների համակարգ չունենանք:

«Դա նույնպես կարմիր գիծ է մեզ համար, որովհետև մենք այսօր ունենք գրված, ստորագրված, հրապարակված փաստաթուղթ, որը չի կատարվում՝ 2020 թ. նոյեմբերի 9-ի եռակողմ հայտարարությունը, ըստ որի՝ Լաչինի միջանցքը որևէ կերպ փակ չպետք է լիներ, իսկ Լաչինի միջանցքը փակ է: Հետևաբար, սա ավելի է ընդգծում Երևանի զգայունությունը այն հարցում, որ որևէ ստորագրվող փաստաթուղթ պետք է ունենա իրականացման երաշխիքներ, ցանկալի է՝ միջազգային երաշխիք. այդ ամենը բացակա է»,- նշեց վարչապետը:

Նիկոլ Փաշինյանն ընդգծեց, որ ԼՂ ժողովրդի իրավունքների և անվտանգության հարցը չափազանց կարևոր է:
«Մեր ընկալումը հետևյալն է, որ ճիշտ կլինի՝ այդ հարցի առաջնային մանդատառուն, ինչպես և կա իրականում, լինի ԼՂ ժողովուրդը: Այս դիրքորոշման համար կան և՛ օբյեկտիվ, և՛ սուբյեկտիվ պատճառներ: Մենք կարծում ենք, որ այդ խոսակցությունը պետք է տեղի ունենա Բաքվի և Ստեփանակերտի միջև, և նաև պրոցեսները մեզ բերում են եզրակացության, որ այստեղ էլ առանց միջազգային երաշխիքների առաջ գնալ հնարավոր չի լինի: Որովհետև Մյունխենում Ադրբեջանի նախագահն ինքն ասաց, որ կա միջազգային պայմանավորվածություն, որ պետք է քննարկվի Ղարաբաղի հայերի իրավունքների և երաշխիքների հարցը, որից հետո տեղի է ունեցել երկու հանդիպում ԼՂ-ում ՌԴ խաղաղապահ ուժերի կենտրոնակայանում: Այդ հանդիպումներից հետո հանկարծ պարզվեց, որ Ադրբեջանն առաջարկում է քննարկել ինտեգրացիայի հարց: Տեսանք՝ բառամթերքը մեկ ամսվա ընթացքում ինչպես փոխվեց:

ԼՂ ժողովրդի իրավունքների և անվտանգության շրջանակը ԼՂ ժողովուրդը և կառավարությունն ինքը պետք է որոշի»,- շեշտեց վարչապետը:

Մանրամասները՝ տեսանյութում։