12.09.2026 | 10:41
Լիբանանի նախագահը հանդիպել է ՀՀ դեսպանին
Ռուսաստանի հետ հացահատիկային գործարքը երկարացվել է 60 օրով․ Գրուշկո
Քաղաքականություն
14.03.2023 | 12:43
Ռուսաստանի հետ հացահատիկային գործարքը երկարաձգվել է 60 օրով, դրա փաթեթային բնույթը հաստատվել է՝ պայմանով, որ «ռուսական կողմին տրված բոլոր խոստումները կկատարվեն»։ Այս մասին հայտարարել է ՌԴ փոխարտգործնախարար Ալեքսանդր Գրուշկոն, գրում է ՌԻԱ Նովոստին։
«Մեր փոխնախարար Սերգեյ Վերշինինը երեկ հայտարարել է, որ գործարքն իսկապես երկարաձգվել է։ Պայմանավորվածություն է ձեռք բերվել, որ այն երկարաձգվի 60 օրով, վերահաստատվել է դրա փաթեթային բնույթը՝ պայմանով, որ կատարվեն բոլոր այն խոստումները, որ տրվել են Ռուսաստանին հենց երկրորդ փուլի իրականացման հետ, իսկ դա բոլոր ուղղակի և անուղղակի պատժամիջոցների վերացումն է միջազգային գլոբալ շուկաներ գյուղմթերքների մատակարարման համար»,- ասել է նա լրագրողներին։
Հացահատիկային համաձայնագիրը, որը ստորագրվել է 2022 թվականի հուլիսի 22-ին Ռուսաստանի, Թուրքիայի, Ուկրաինայի և ՄԱԿ-ի ներկայացուցիչների կողմից, ենթադրում է ուկրաինական հացահատիկի, սննդամթերքի և պարարտանյութի արտահանում Սև ծովով երեք նավահանգիստներից, այդ թվում՝ Օդեսայից։ Ստամբուլի Համատեղ համակարգող կենտրոնը պատասխանատու է նավերի տեղաշարժի համակարգման համար։
Տաթև Ֆռանգյան
