08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ-ում զորակոչային տարիքը 3 տարով բարձրացնելու՝ 19-ից 30-ը սահմանելու օրինագիծ են քննարկում
Քաղաքականություն
14.03.2023 | 13:00
Պետդումա օրինագիծ է մտցվել ՌԴ-ում զորակոչային տարիքը փուլային բարձրացնելու մասին։ Դրա համաձայն՝ զորակոչային տարիքի ստորին շեմը 18 տարեկանից պետք է դառնա 21 տարեկան, վերին շեմը՝ 27-ից՝ 30 տարեկան։ Փաստաթուղթը հրապարակվել է օրենսդրական գործունեության ապահովման համակարգում, գրում է RBC-ն։
Այս պահին զորակոչային տարիք է սահմանված 18-ից 27 տարեկանը։ Անցած տարեվերջին այն բարձրացնելու առաջարկ է արել Պաշտպանության նախարարությունը։
Օրինագիծը նախապատրաստել են Պետդումայի պաշտպանության հարցերի հանձնաժողովի անդամներ Անդրեյ Կարտոպոլովը, Անդրեյ Կրասովը և Յուրի Շվիտկինը։
Փաստաթուղթը նախատեսում է փուլային կերպով բարձրացնել զորակոչային տարիքի ստորին շեմը՝ 2024 թվականի հունվարի 1-ից հասցնելով մինչև 19 տարեկան, 2025 թվականի հունվարի 1-ից՝ 20 տարեկան և 2026 թվականի հունվարի 1-ից մինչև 21 տարեկան։ Զորակոչային տարիքի վերին շեմն առաջարկվում է բարձրացնել մինչև 30 տարեկան միանգամից՝ 2024 թվականի հունվարի 1-ից։
Տաթև Ֆռանգյան
