24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Մեծ Բրիտանիան Ռուսաստանը ճանաչել է որպես իր անվտանգության «հրատապ սպառնալիք»
Քաղաքականություն
14.03.2023 | 11:33
Մեծ Բրիտանիան թարմացրել է իր պաշտպանական ռազմավարությունը՝ Չինաստանն անվանելով «մարտահրավեր», իսկ Ռուսաստանը՝ «հրատապ սպառնալիք» իր ազգային անվտանգությանը, գրում է VOA-ն։
Ռազմավարությունում ՌԴ-ն նշվում է որպես վտանգավոր տարածաշրջանային սպառնալիք ու առաջնահերթություն է համարվում Երկրորդ համաշխարհային պատերազմից հետո Եվրոպայի ամենախոշոր զինված բախման ժամանակ Ուկրաինային աջակցության ճանապարհների փնտրտուքը։
Ռազմավարությունում ասվում է, որ Ռուսաստանն Ուկրաինա ներխուժումից չպետք է շահած դուրս գա, անհրաժեշտ է Մեծ Բրիտանիայի համար սպառնալիք ներկայացնող ՌԴ հնարավորությունները նվազեցնել, այդ թվում՝ սահմանափակել ՌԴ հասանելիությունը կրիտիկական կարևորության տեխնոլոգիաներին ու նյութերին։
Փաստաթղթի համաձայն՝ առանձնակի անհանգստություն է հարուցում Ուկրաինա ներխուժելուց հետո ՌԴ համագործակցության ակտիվացումը Չինաստանի ու Իրանի հետ։
Ընդգծվում է, որ բրիտանական անվտանգություն այժմ անքակտելիորեն կապված է ՌԴ-ի ու Ուկրաինայի հակամարտության արդյունքներից։
Տաթև Ֆռանգյան
