08.10.2026 | 22:59
14 ժամ ջուր չի լինի Արարատի մարզի մի շարք հասցեներում
Հրդեհ՝ Կապանին հարակից անտառներում․ մթության պատճառով հրդեհաշիջման աշխատանքները դադարեցվել են
13.03.2023 | 21:14
Մարտի 12-ին, ժամը 13։23-ին Սյունիքի մարզային ճգնաժամային կառավարման կենտրոն ահազանգ է ստացվել, որ Կապան քաղաքի Բաղաբերդ թաղամասին հարակից սարալանջում այրվում է խոտածածկույթ:
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երկու մարտական հաշվարկ։
Մթության և դժվարանցանելիության պատճառով հրդեհաշիջման աշխատանքները ժամանակավորապես դադարեցվել են։
Հրդեհաշիջման աշխատանքները վերսկսվել են մարտի 13-ին, դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատի օպերատիվ խումբը և մեկ մարտական հաշվարկ։
Ըստ նախնական տվյալների այրվում է մոտ 15 հա խոտածածկույթ։
Հրդեհաշիջման աշխատանքներին մասնակցում են 16 հրշեջ-փրկարար և «Հայանտառ ՊՈԱԿ»-ի Կապանի մասնաճյուղի 15 աշխատակից։
