20.03.2026 | 09:29
Թրամփը հայտարարել է, որ չի ծրագրում Մերձավոր Արևելք զորքեր ուղարկել
Պոլսո Հայոց պատրիարքն այցելել է Թուրքիայի երկրաշարժից տուժած շրջաններ
Քաղաքականություն
13.03.2023 | 18:37
Պոլսո Հայոց պատրիարք Սահակ Մաշալյանը մարտի 10-ին այցելել է Թուրքիայի երկրաշարժից տուժած շրջաններ, գրում է Agos-ը։
Նշվում է, որ նա օդային ճանապարհով գնացել է Ադանա, ապա մեկնել Հաթայ։ Պատրիարք Մաշալյանն այցի առաջին օրը եղել է Թուրքիայի միակ հայկական մնացած Վաքըֆ գյուղում, հանդիպել բնակիչներին և տեղեկություններ ստացել վնասների ու կարիքների մասին։ Հայոց պատրիարքը հանդիպել է նաև Հաթայի նահանգապետ Ռահմի Դողանին և քաղաքապետ Լյութֆու Սավաշին։
Պատրիարք Մաշալյանն այնուհետև եղել է Իսկենդերուն, տեղեկացել շրջանի հայ համայնքի խնդիրների մասին։ Նա այցելել է նաև երկրաշարժից մեծապես տուժած Քառասուն Մանկանց եկեղեցի՝ տեղեկացնելով, որ եկեղեցին և գույքը շուտով կվերականգնվեն։
Հայոց պատրիարքը եղել է նաև Մերսինում, հանդիպել է ուղղափառ և կաթոլիկ համայնքների ներկայացուցիչների, հոգևոր առաջնորդների հետ։
Էմմա Չոբանյան
