16.01.2026 | 18:34
Տիմոշենկոյի նկատմամբ խափանման միջոց է ընտրվել գրավը
Կրեմլում Ուկրաինայի հարցով խաղաղ բանակցությունների համար դեռ նախադրյալներ չեն տեսնում
Քաղաքականություն
13.03.2023 | 21:02
Ուկրաինայում ՌԴ նպատակներին ներկայում հնարավոր է հասնել միայն ռազմական ճանապարհով, Ուկրաինայի հարցով խաղաղ բանակցությունների համար դեռ նախադրյալներ չկան: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
Լրագրողները նրան խնդրել են մեկնաբանել Մյունխենի անվտանգության համաժողովի նախկին նախագահ Վոլֆգանգ Իշինգերի՝ ուկրաինական ճգնաժամը լուծելու համար արևմտյան երկրների ներկայացուցիչների կոնտակտային խումբ ստեղծելու գաղափարը և հարցրել՝ արդյո՞ք այս նախաձեռնությունը կարող է օգնել դադարեցնել հակամարտությունը։
«Ոչ, մենք այդպես չենք կարծում»,- պատասխանել է Պեսկովը։
Նա պարզաբանել է, որ «դեռևս ոչ մի նախադրյալ չկա գործընթացը խաղաղ հունով ընթանալու համար»։
«Մեզ համար բացարձակ առաջնահերթությունը շարունակում է մնալ և միշտ մնալու է դրված նպատակների իրագործումը։ Այժմ դրանց կարելի է հասնել միայն ռազմական ճանապարհով»,- հավելել է Կրեմլի խոսնակը։
Տաթև Ֆռանգյան
