15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Մալդիվները հայտարարել է Իրանի հետ դիվանագիտական հարաբերությունների վերականգնման մասին
Քաղաքականություն
13.03.2023 | 17:22
Մալդիվների կառավարությունը որոշել է վերականգնել դիվանագիտական հարաբերություններն Իրանի հետ։ Այս մասին հայտնել են երկրի ԱԳՆ-ից, գրում է ՌԻԱ Նովոստին։
Մալդիվների կառավարությունը ողջունում է Սաուդյան Արաբիայի, Իրանի և Չինաստանի համատեղ եռակողմ հայտարարությունն առ այն, որ Սաուդյան Արաբիայի և Իրանի միջև համաձայնություն է ձեռք բերվել վերսկսել դիվանագիտական հարաբերությունները, ասվում է նախարարության հայտարարության մեջ։
«Այս դրական և հուսադրող զարգացումների լույսի ներքո՝ Մալդիվների կառավարությունը որոշում է կայացրել վերականգնել դիվանագիտական հարաբերությունները Իրանի Իսլամական Հանրապետության հետ»,- ասվում է հայտարարության մեջ։
Մալդիվներն Իրանի հետ քաղաքական և դիվանագիտական հարաբերությունները խզել է 2016 թվականի մայիսի 17-ին, նախկին նախագահ Աբդուլլահ Յամենի օրոք։
Հիշեցնենք, որ Իրանն ու Սաուդյան Արաբիան ևս վերականգնել էին դիվանագիտական հարաբերությունները Չինաստանի գլխավորած միջնորդական բանակցություններից հետո։
Երկու երկրները վերահաստատել են իրենց հարգանքը պետությունների ինքնիշխանության նկատմամբ և երկրների ներքին գործերին չմիջամտելու քաղաքականությունը։ Համաձայնագիրը ներառում է նաև դեսպանատների և ներկայացուցչությունների վերաբացում։ Այս իրադարձությունները տեղի են ունեցել երկու երկրների միջև տարիների լարվածությունից հետո:
Տաթև Ֆռանգյան
