17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
2022թ․ Ուկրաինան աշխարհում երրորդ տեղն է զբաղեցրել զենքի ներմուծման ծավալով. SIPRI
Քաղաքականություն
13.03.2023 | 19:13
2022 թվականին Ուկրաինան աշխարհում երրորդ տեղն է զբաղեցրել զենքի ներմուծման ծավալով՝ Կատարից և Հնդկաստանից հետո։ Ընդհանուր առմամբ, 2018 թվականից սկսած հինգ տարիների ընթացքում Ուկրաինան այս ցուցանիշով զբաղեցրել է 14-րդ տեղը՝ համաշխարհային ներմուծման երկու տոկոս մասնաբաժնով։
Կիևի խոշորագույն մատակարարներն են եղել ԱՄՆ-ը (34%), Լեհաստանը (17%) և Գերմանիան (11%), ասվում է Ստոկհոլմի Խաղաղության միջազգային հետազոտությունների ինստիտուտի (SIPRI) տարեկան զեկույցում։
Ընդ որում, ամերիկյան արտահանումն Ուկրաինա, որը ռուսական ներխուժումից հետո կտրուկ աճել է, դեռևս ծավալով զիջում է ԱՄՆ-ից Քուվեյթ, Սաուդյան Արաբիա, Կատար և Ճապոնիա առաքումներին։
Պատճառը, ըստ SIPRI-ի, այն է, որ ԱՄՆ-ն այդ երկրներին է փոխանցում ավելի առաջադեմ և թանկարժեք զինատեսակներ, այդ թվում՝ մարտական ինքնաթիռներ և հակաօդային պաշտպանության համակարգեր։ Ուկրաինան հիմնականում ավելի հին զինատեսակներ է ստանում, այդ թվում՝ Պենտագոնի պահեստներից։
Տաթև Ֆռանգյան
