27.06.2026 | 15:37
Փամբակ գետում մեքենա և դի են հայտնաբերվել․ փրկարարները որոնում են երկրորդ անձին
Մոսկվայում տեղի կունենա ՌԴ-ի, Թուրքիայի, Իրանի և Սիրիայում ԱԳ փոխնախարարների հանդիպումը
Քաղաքականություն
13.03.2023 | 14:34
Մոսկվայում մարտի 15-16-ը տեղի կունենա Ռուսաստանի, Իրանի,Սիրիայի և Թուրքիայի ԱԳ փոխնախարարների հանդիպումը։ Այս մասին հայտնել է թուրքական պետական TRT հեռուստալիքը, որին վկայակոչում է ՏԱՍՍ-ը։
Ավելի վաղ Մերձավոր Արևելքի և Աֆրիկայի հարցերով ՌԴ նախագահի հատուկ ներկայացուցիչ, փոխարտգործնախարար Միխայիլ Բոգդանովն ասել էր, որ Ռուսաստանը շարունակում է աշխատել այս շաբաթ նախատեսված քառակողմ հանդիպման կազմակերպման ուղղությամբ։
Թուրքիայի ԱԳ նախարար Մևլութ Չավուշօղլուն էլ անցյալ շաբաթ Իրանի ԱԳ նախարար Հոսեյն Ամիր Աբդոլլահիանի հետ մամուլի ասուլիսում հայտարարել էր, որ Մոսկվայում սիրիական հարցի շուրջ քառակողմ քննարկումներ են ծրագրվում Թուրքիայի, Ռուսաստանի Դաշնության, Սիրիայի նախագահի վարչակարգի և Իրանի մասնակցությամբ։
Հավելենք, որ դեռևս նախորդ տարվա դեկտեմբերին Մոսկվայում, 2011 թվականից ի վեր առաջին անգամ, տեղի էր ունեցել Թուրքիայի և Սիրիայի պաշտոնյաների՝ ՊՆ ու հետախուզական ծառայությունների ղեկավարների հանդիպումը։
Էմմա Չոբանյան
