16.01.2026 | 15:07
Սուրեն Պապիկյանն այցելել է ՊՆ զորամասերից մեկը
Թեհրանը հայտնել է Իրանի և Սաուդյան Արաբիայի ԱԳ նախարարների՝ մոտ ապագայում հնարավոր հանդիպման մասին
Քաղաքականություն
13.03.2023 | 19:43
Տեսանելի ապագայում կարող է կազմակերպվել Իրանի և Սաուդյան Արաբիայի արտգործնախարարների հանդիպում։ Այս մասին այսօր հայտնել է Իսլամական Հանրապետության ԱԳ նախարարության պաշտոնական ներկայացուցիչ Նասեր Քանանին, գրում է Tasnim գործակալությունը։
«Իրանն ու Սաուդյան Արաբիան կազմակերպում են արտգործնախարարների հանդիպում։ Հուսով ենք, որ այն կկայանա մոտ ապագայում։ Երկու երկրների արտաքին գործերի նախարարների միջև ուղիղ բանակցությունների համար որևէ խոչընդոտ չկա, [հանդիպման կազմակերպման] գործընթացը կիրականացվի դիվանագիտական ուղիներով»,- ասել է Իրանի ԱԳՆ ներկայացուցիչը։
Քանանին տեղեկություններ չի հաղորդել բանակցությունների համար առաջարկվող վայրի մասին՝ նշելով, սակայն, որ այս հարցում արդեն պայմանավորվածություններ են ձեռք բերվել։
Իրանի ԱԳՆ ներկայացուցիչը նշել է նաև Իրաքի և Օմանի դրական դերակատարությունը Թեհրանի և Էր Ռիադի միջև հարաբերությունների կարգավորման հարցում։ Նրա խոսքով՝ ընդամենը մեկուկես տարվա ընթացքում Իրանի և Սաուդյան Արաբիայի միջև երկկողմ բանակցությունների ութ փուլ է անցկացվել, որոնցից հինգը՝ Բաղդադում, ևս երեքը՝ Մուսկատում։
Մարտի 10-ին հայտնի դարձավ իրանա-սաուդական դիվանագիտական հարաբերությունների վերականգնման մասին։ Կողմերը նախատեսում են դեսպանատները վերաբացել երկու ամսվա ընթացքում։
Տաթև Ֆռանգյան
