08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մեծ Բրիտանիան ավելացնում է պաշտպանական ծախսերը` ՌԴ-ի և Չինաստանի սպառնալիքներին դիմակայելու համար․ The Telegraph
Քաղաքականություն
13.03.2023 | 14:18
Մեծ Բրիտանիայի վարչապետ Ռիշի Սունակը հայտարարել է թագավորության պաշտպանական ծախսերի ավելացման մասին՝ ազգային պաշտպանությունն ուժեղացնելու և Ռուսաստանի ու Չինաստանի սպառնալիքներին դիմակայելու համար, գրում է The Telegraph-ը։
«Մեծ Բրիտանիան մեծացնում է իր հավակնությունները, երբ խոսքը վերաբերում է պաշտպանական ծախսերին։ Մենք պետք է համոզվենք, որ մեր զինված ուժերն ունեն այն ամենը, ինչ իրենց պետք է կարճաժամկետ հեռանկարում, այդ թվում՝ միջուկային զսպման ուժերի կայունության համար, ինչը վճռորոշ նշանակություն ունի ապագայում մեր անվտանգության համար»,- նշել է վարչապետը։
Առաջիկա երկու տարիներին երկրի պաշտպանության ոլորտում ծախսերը կավելանան 5 միլիարդ ֆունտ սթեռլինգով։
Նշվում է, որ հավելյալ միջոցները թույլ կտա մինչ 2025 թվականը մեծացնել պաշտպանակ ոլորտի ծախսերը՝ մինչև ՀՆԱ-ի 2,25%-ը։ Երեք միլիարդ ֆունտ կուղղվի միջուկային զսպման ուժերի զարգացմանը։ Գումարի մյուս մասը կուղղվի զինամթերքի և զենքի պաշարների համալրմանը, որոնք փոխանցվել են Ուկրաինային՝ Ռուսաստանից պաշտպանվելու համար։
Ռազմական բյուջեի ավելացման մասին կետը կարտացոլվի Մեծ Բրիտանիայի անվտանգության, պաշտպանության և արտաքին քաղաքականության համապարփակ վերանայման թարմացված տարբերակում։ Այն կհրապարակվի մարտի 13-ին։
Հավելենք, որ 2021-2022 թվականներին Բրիտանիայի պաշտպանական ծախսերը կազմել են 71,4 միլիարդ ֆունտ սթեռլինգ:
Տաթև Ֆռանգյան
