08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Միխեիլ Սաակաշվիլիին ներքին օրգանների անբավարարություն է սպառնում․ Sky News
Քաղաքականություն
13.03.2023 | 14:02
Վրաստանի նախկին նախագահ Միխեիլ Սաակաշվիլիի առողջական վիճակը ծայրահեղ ծանր է։ Սաակաշվիլին հիվանդանոցում է, ուր նրան ծանր վիճակում տեղափոխել են բանտից։ Բժիշկների կարծիքով՝ քաղաքական գործչին սպառնում է մի քանի ներքին օրգանների անբավարարություն։ Այս մասին հայտնել է բրիտանական Sky News հեռուստաալիքը, որի լրագրողներին հաջողվել է փաստաբանների միջոցով մի քանի հարց փոխանցել Սահակաշվիլիին ու դրանց գրավոր պատասխանները ստանալ։
Մեկբանելով իր առողջության վերաբերյալ հարցին՝ Վրաստանի նախկին նախագահը նշում է, որ իր քաշը գրեթե երկու անգամ նվազել է՝ 120 կգ-ից հասել է 64 կգ-ի։
«Եթե ես 60 կգ պակաս կշռեմ, բժիշկները կանխատեսում են ներքին մի քանի օրգանների գործունեության խախտում»,- անհավասար ձեռագրով գրել է նա։
Քաղաքական գործչի մեկնաբանության լուսանկարը հրապարակվել է հեռուստաալիքի կայքում։ Սաակաշվիլին պատմել է, որ ամբողջ ժամանակն անցկացնում է անկողնում։
«Իմ ոսկորները քանդվում են, և դա տառապալից ցավ է պատճառում»,- հավելել է նա:
Սաակաշվիլիի փաստաբան Շալվա Խաչապուրիձեն բրիտանացի լրագրողներին հաստատել է, որ իր պաշտպանյալի վիճակը օրեցօր վատանում է։
«Սարսափելի տեսարան է։ Նա նման է նացիստական Գերմանիայի համակենտրոնացման ճամբարի բանտարկյալի»,- մեջբերում է հեռուստաալիքը նրա խոսքերը։
Պատասխանելով հարցին, թե ի՞նչ պետք է անեն մարտի սկզբին Վրաստանում տեղի ունեցած բողոքի ցույցերի մասնակիցները, Սաակաշվիլին գրել է․ «Եղեք չափազանց զգոն, պատրատ եղեք կարճ ժամանակում մոբիլիզացվելու՝ օլիգարխների ռեժիմի՝ վրեժխնդիր լինելու տրամադրվածությունների պատճառով»։
Տաթև Ֆռանգյան
