20.03.2026 | 10:21
Հրդեհ Երևան քաղաքի Շերամի փողոցում
Տիգրան Ավինյանը հանդիպել է Հաղթանակ թաղամասի բնակիչների հետ
Հասարակություն
12.03.2023 | 15:14
Երևանի փոխքաղաքապետ Տիգրան Ավինյանը, ամփոփելով Մալաթիա-Սեբաստիա շրջայցը, հանդիպել է Հաղթանակ թաղամասի (4-րդ գյուղ) բնակիչներին: Նա այս մասին հայտնել է սոցցանցի իր էջում։
«Ուրախ եմ, որ այս հանդիպումների արդյունքում կարողացանք մի շարք խնդիրներին լուծումներ տալ:
Կբարեկարգվի 82 մանկապարտեզի բակը:
Կվերանորոգվի Էներգետիկների թաղամասի մանկապարտեզը և կբարեկարգվեն բակն ու ֆուտբոլի դաշտը:
Կբարեկարգվի նաև Արարատյան զանգվածում գտնվող 152 դպրոցի բակը:
Վահան Զատիկյանի անվան մարզադպրոցը, որ գտնվում է անմխիթար վիճակում, ամբողջությամբ կվերանորոգվի:
Օրբելյանի անվան արվեստի դպրոցի շինության տարածքը կընդլայնվի՝ ապահովելու երաժշտական կրթություն ստացող երեխաների հարմարավետ ուսումը:
Հարավ-արևմտյան թաղամասի մի շարք հասցեների կոյուղատարեր ամբողջությամբ կփոխարինվեն:
Հաղթանակ թաղամասում վերջին 30 տարիների ընթացքում կուտակված խնդիրները բազմաթիվ են, բայց կարողացանք բնակիչների հետ քննարկումների արդյունքում լուծումներ գտնել: Այստեղ նաև կառուցելու ենք մայթեզր 1-ին փողոցում, որը թաղամասի ստեղծման օրվանից պարզապես չի եղել»,-գրել է Ավինյանը:
