19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Ֆրանսիան կենսաթոշակային բարեփոխումները կընդունի առանց խորհրդարանի քվեարկության
Քաղաքականություն
10.03.2023 | 20:26
Ֆրանսիայի կառավարությունը շաբաթ հայտարարել է, որ կշարունակի նախագահ Էմանուել Մակրոնի ոչ հանրաճանաչ կենսաթոշակային բարեփոխումներն առանց խորհրդարանում քվեարկության՝ այն բանից հետո, երբ ընդդիմությունն օրինագծի վերաբերյալ ավելի քան 40,000 ուղղումներ է ներկայացրել: Վարչապետ Էդուարդ Ֆիլիպը դա որակել է փաստաթուղթն արգելափակելու հնարք և ասել, որ կդիմի 1958 թվականի Ֆրանսիայի Սահմանադրության 49.3-րդ հոդվածին, որը թույլ կտա խուսափել դրանից, գրում է Euronews-ը։
«Փետրվարի 29-ին ստանալով Նախարարների խորհրդի թույլտվությունը՝ ես որոշեցի կառավարությանը պատասխանատվության ենթարկել միասնական համընդհանուր կենսաթոշակային համակարգ սահմանող օրինագծի ընդունման համար, բայց ոչ թե ինչ-որ բանավեճ ավարտելու, այլ բանավեճի այս փուլն ավարտելու համար»,- ասել է Ֆիլիպը:
Բարեփոխումը, որը պետք է լինի Երկրորդ համաշխարհային պատերազմից ի վեր ֆրանսիական կենսաթոշակային համակարգի ամենամեծ բարեփոխումը, փողոցային բողոքի ցույցերի և գործադուլների ալիք է բարձրացրել, այդ թվում՝ պետական հատվածում:
Իշխանությունների զիջումները, որոնք բարեփոխումների նախագծից բացառել են կենսաթոշակային տարիքի բարձրացումը, ցուցարարներին չի բավարարել։
Ֆիլիպի հայտարարությունն օրենսդիրներին անակնկալի է բերել և ձախակողմյան ընդդիմության բուռն դժգոհությունը հարուցել, որը հայտարարել է, որ ընդդեմ կառավարության հայց կներկայացնի։
Տաթև Ֆռանգյան
