19.02.2026 | 18:17
«Օրենքը պետք է հաղթանակի». Բրիտանիայի Չարլզ III թագավորը` եղբոր ձերբակալության մասին
ՀԱՊԿ-ից հեռանալու գործընթա՞ց, թե՞ բոյկոտ. ՀՀ-ն հրաժարվում է կազմակերպությունում պաշտոն զբաղեցնել. ՏԵՍԱՆՅՈւԹ
Քաղաքականություն
10.03.2023 | 19:15
Հայաստանը հրաժարվել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի տեղակալի իր քվոտայից։ Այս մասին Factor TV-ին հայտնեց Հայաստանի ԱԳՆ մամուլի խոսնակ Վահան Հունանյանը: Պաշտոնական Երևանը, սակայն, հրաժարվում է մեկնաբանել քարտուղարի տեղակալի պաշտոնից հրաժարվելու պատճառը։
Քաղաքագետ Ստեփան Գրիգորյանի խոսքով՝ ակնհայտ է, որ Հայաստանն այս որոշումը կայացրել է ադրբեջանական հարձակումներից հետո ՀԱՊԿ-ի և ռազմավարական դաշնակից համարվող Ռուսաստանի անհաղորդ արձագանքների ֆոնին։
44-օրյա պատերազմից հետո ադրբեջանական կողմը երեք անգամ լայնամասշտաբ ռազմական գործողություններ է իրականացրել Հայաստանի սահմանների ուղղությամբ։ Երևանն այս դեպքերից հետո պաշտոնապես դիմել էր ՀԱՊԿ-ին՝ պայմանագրից բխող կետերով գործողություններ իրականացնելու համար։
Այդ կետերն իրականություն չդարձան։ 2022 թվականի սեպտեմբերին Հայաստանի սուվերեն տարածք ներխուժման և ռազմական գործողությունների հետևանքով քաղաքացիական անձանց սպանություններին քաղաքական գնաատական չտալուց հետո ՀՀ Կառավարությունը հայտարարեց, որ Նիկոլ Փաշինյանը հրաժարվել է ստորագրել նախորդ տարի Երևանում կայացած ՀԱՊԿ նիստի արձանագրությունը։ ՀՀ-ն հրաժարվեց նաև իր տարածքում այս տարի նախատեսված ՀԱՊԿ զորավարժությունների անցկացումից։
Քաղաքագետ Գարիկ Քեռյանի խոսքով՝ ՀԱՊԿ քարտուղարի տեղակալի պաշտոնից հրաժարվելու և մյուս որոշումները նշանակում են, որ ՀՀ-ն գնում է կազմակերպությունից հեռանալու ճանապարհով։ Քեռյանի խոսքով՝ ՀԱՊԿ-ը ռուսակենտրոն կառույց է, և Հայաստանն այս կառույցին անդամակցել է Ռուսաստանին աջակցություն հայտնելու նպատակով։
Միայն 2022 թվականի սեպտեմբերի մարտական գործողությունների ժամանակ հայկական կողմը 225 զոհ ունեցավ։ Քաղաքագետ Ստեփան Գրիգորյանը շեշտում է՝ այս իրավիճակում ի՞նչ բարիդրացիական հարաբերությունների մասին կարող է խոսք գնալ։
ՀԱՊԿ-ին ուղղված քննադատությունների ֆոնին, այնուհանդերձ, պաշտոնական Երևանը չի հստակեցնում կազմակերպությունից դուրս գալու կամ անդամակցությունը սառեցնելու գործընթաց սկսելո՞ւ է, թե՞ ոչ։
Մանրամասները՝ տեսանյութում։
Նարեկ Կիրակոսյան
