25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
ՀՀ-ն դեմարշ հայտարարեց ՀԱՊԿ-ին․ սա դաշինիքից դուրս գալու տրամաբանության մեջ է՝ չօգնե՛ցին, երբ Ադրբեջանը հարձակվեց․ Գուրգեն Սիմոնյան․ ՏԵՍԱՆՅՈՒԹ
Քաղաքականություն
10.03.2023 | 20:02
Հայաստանը հրաժարվեց ՀԱՊԿ-ի գլխավոր քարտուղարի տեղակալի քվոտայից։ ՀՀ ԱԳՆ-ն, հաստատելով այս լուրը, հրաժարվել է պատճառների մասին մեկնաբանություն տալ։
Factor TV-ի հարցազրույցում քաղաքագետ Գուրգեն Սիմոնյանին հարց ուղղեցինք՝ ինչպե՞ս է գնահատում այս քայլը, և ո՞ւր է գնում ՀՀ-ն, ի՞նչ տրամաբանության մեջ է տեղավորվում այս քայլը։
«Փուլային… կարելի է ասել, որովհետև մենք տարվա սկզբում տեսանք, որ ՀՀ իշխանությունը հրաժարվեց ՀԱՊԿ-ի զորավարժությունների անցկացումից, հիմա արդեն հրաժարվում են քվոտայից։ Սա հստակ արձագանք է ՀԱՊԿ-ի անհաղորդությանը մեր խնդիրներին։ Կան քաղաքագետներ, որ ավելի կոշտ գործողությունների կողմնակից են, ընդհուպ մինչև ՀԱՊԿ անդամակցության սառեցում, ՀԱՊԿ-ից դուրս գալու գործընթաց։ Սա այդ տրամաբանությամբ իրականացվող քայլ է։ Ճիշտ է՝ իր մասշտաբով և սրությամբ ոչ այդքան ակնառու, ծանրակշիռ, բայց սա իրականության մեջ դեմարշ է ՀԱՊԿ-ի անհաղորդ քաղաքականության դեմ, որ նրանք իրականացնում են ՀՀ-ի նկատմամբ»,- ասաց Գուրգեն Սիմոնյանը։
Հարցազրույցն ամբողջությամբ՝ տեսանյութում։
Ռոբերտ Անանյան
