15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Հունաստանի և Թուրքիայի ՊՆ ղեկավարները պայմանավորվել են բարիդրացիական հարաբերությունների օրակարգ մշակել
Քաղաքականություն
10.03.2023 | 17:19
Հույն ու թուրք պաշտոնյաների միջև հաղորդակցության ուղիները բաց պահելու ջանքերի շրջանակում երկու երկրների պաշտպանության նախարարներ Նիկոս Պանագիոտոպուլոսն ու Հուլուսի Աքարը հեռախոսազրույց են ունեցել։ Կողմերը համաձայնել են մշակել բարիդրացիական հարաբերությունների և միջազգային իրավունքի վրա հիմնված օրակարգ, գրում է ekathimerini-ն։
Նշվում է, որ երկու նախարարները ցավակցություններ են փոխանակել Թուրքիայում տեղի ունեցած երկրաշարժի և Հունաստանում երկաթուղային վթարի ողբերգությունների կապակցությամբ։
Աքարը հրավիրել է Պանագիոտոպուլոսին այցելել երկրաշարժից տուժած շրջաններ, որպեսզի անձամբ ականատես լինի այնտեղ տիրող իրավիճակին։ Դեռևս պարզ չէ՝ արդյո՞ք այցը կարող է կայանալ ընտրությունների անորոշության պատճառով։ Սակայն հաղորդվում է, որ այս առումով հունական կողմում դրական տրամադրվածություն կա։
Էմմա Չոբանյան
