07.06.2026 | 09:11
Մենք ուզում ենք մնալ տարածաշրջանի ամենաժողովրդավար երկիրը. Նարեկ Կարապետյանը քվեարկեց. ՏԵՍԱՆՅՈՒԹ
Համբուրգում հրաձգությունն առնվազն 6 մարդու կյանք է խլել
Քաղաքականություն
10.03.2023 | 12:39
Առնվազն վեց մարդ է զոհվել Գերմանիայի Համբուրգ քաղաքի եկեղեցում տեղի ունեցած հրաձգության հետևանքով։ Հրաձգությունը տեղի է ունեցել Եհովայի վկաների եկեղեցում՝ Գրոս Բորսթել թաղամասում, հաղորդում է BBC-ի ռուսական ծառայությունը։
Տարբեր լրատվամիջոցների տեղեկությունների համաձայն՝ այնտեղ հայտնաբերվել է վեց-յոթ սպանվածի մարմին: Ենթադրվում է, որ զինված անձը նույնպես նրանց թվում է, ասել է ոստիկանության խոսնակ Հոլգեր Ֆեհրենը: Ոստիկանությունը կարծում է, որ այլ հարձակվողներ չեն եղել:
Համբուրգի ոստիկանությունը հայտնել է, որ «հանցագործության դրդապատճառների մասին հավաստի տեղեկություններ չկան»։ Մարդկանց խորհուրդ է տրվել դուրս չգալ տներից։
Տաթև Ֆռանգյան
