09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
ՌԴ-ն ԵՄ առաքելության մեջ հավելյալ սպառնալիք է տեսնում խաղաղության գործընթացին․ Զախարովա․ ՏԵՍԱՆՅՈՒԹ
Քաղաքականություն
09.03.2023 | 21:24
Ռուսաստանը ԱՄՆ-ի և ԵՄ-ի միջնորդությունը դիտարկում է որպես «հավելյալ սպառնալիք» Հայաստանի և Ադրբեջանի միջև խաղաղության գործընթացին։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան իր ամենշաբաթյա ճեպազրույցի ժամանակ։
Նրա խոսքով՝ «Արևմուտքը միայն ցանկանում է ներթափանցել խաղաղության գործընթացի մեջ և յուրացնել Ռուսաստանի ձեռքբերումները»։
«Մենք մշտապես կոչ ենք անում հենվել Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների վրա, որոնք որոշել են Բաքվի և Երևանի միջև հարաբերությունների կարգավորման ճանապարհային քարտեզը։ Մենք ելնում ենք նրանից, որ ԱՄՆ-ի և ԵՄ-ի հետապնդած նպատակներն ուղղված են ոչ թե նշանակվածին հասնելուն և ոչ թե Հարավային Կովկասում խաղաղության և անվտանգության ապահովմանը, այլ խաղաղ գործընթացին միջամտելուն և մեր ձեռքբերումների յուրացմանը՝ փորձելով խաղալ միանշանակ ոչ կառուցողական, այլ ներկայության և, հնարավոր է, ապակառուցողական դեր»,- հայտարարել է ՌԴ ԱԳՆ ներկայացուցիչը։
Մանրամասները՝ տեսանյութում։
Տաթև Ֆռանգյան
