24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Ադրբեջանի ՊՆ ղեկավարը հանդիպել է ՆԱՏՕ-ում Թուրքիայի բարձրաստիճան զինվորականի հետ
Քաղաքականություն
09.03.2023 | 17:51
Ադրբեջանի ՊՆ ղեկավար Զաքիր Հասանովը Բաքվում ընդունել է ՆԱՏՕ-ի ցամաքային զորքերի հրամանատարության շտաբի պետ, գեներալ-լեյտենանտ Մուսթաֆա Օղուզին և քննարկել երկկողմ հարաբերությունների զարգացման հեռանկարները, հաղորդում են ադրբեջանական ԶԼՄ-ները։
«Հանդիպման ընթացքում կարծիքների հանգամանալից փոխանակում է տեղի ունեցել երկկողմ հարաբերությունների զարգացման հեռանկարների, ինչպես նաև փոխադարձ հետաքրքրություն ներկայացնող այլ հարցերի շուրջ»,- ասվում է Ադրբեջանի ՊՆ հաղորդագրության մեջ։
Հասանովը թուրք գեներալին է ներկայացրել ադրբեջանական բանակում կատարվող բարեփոխումները, ինչպես նաև հայ-ադրեջանական սահմանին ու Արցախում տիրող իրավիճակը։
Օղուզն իր հերթին անդրադարձել է Ադրբեջանի հետ համագործակցության ներկա վիճակին և գոհունակություն հայտնել այս ոլորտում ձեռք բերված արդյունքներից։
«Հանդիպման ընթացքում նշվել է Ադրբեջանի և ՆԱՏՕ-ի միջև ռազմական համագործակցության առանձնահատուկ նշանակությունը օպերատիվ կարողությունների հայեցակարգի շրջանակում»,- ասվում է ՊՆ հաղորդագրության մեջ։
Թուրք գեներալը հանդիպել է նաև Ադրբեջանի ՊՆ ղեկավարի առաջին տեղակալ, Գլխավոր շտաբի պետ Քերիմ Վելիևի հետ։
Էմմա Չոբանյան
