16.01.2026 | 21:00
ՔՆՆԱՐԿՈՒՄ․ Թրամփի ուղին մտնում է գործնական փուլ․ իրագործելի՞ է ՀՀ-ԱՄՆ մեգանախագիծը. ՏԵՍԱՆՅՈՒԹ
ՌԴ Պաշտպանության նախարարությունն Ուկրաինային հարվածներն անվանել է «Բրյանսկում տեղի ունեցած ահաբեկչությանը պատասխան»
Քաղաքականություն
09.03.2023 | 17:22
Ռուսաստանի Դաշնության պաշտպանության նախարարությունն Ուկրաինային հարվածներն անվանել է «պատասխան Բրյանսկի մարզում տեղի ունեցած ահաբեկչությանը», փոխանցում է BBC-ի ռուսական ծառայությունը։
«Ի պատասխան մարտի 2-ին Կիևի կողմից Բրյանսկի շրջանում կազմակերպված ահաբեկչական գործողություններին՝ ՌԴ ԶՈւ-ն հասցրել է զանգվածային պատասխան հարված»,- ասվում է ՌԴ ՊՆ-ի հաղորդագրության մեջ։
«Գերճշգրիտ զենքերը, ներառյալ հիպերձայնային «Կինժալ»-ները հարվածել են Ուկրաինայի ռազմական ենթակառուցվածքի, պաշտպանական արդյունաբերության և էներգետիկայի առանցքային տարրերին, պատասխան հարվածի նպատակն իրագործվել է, հարվածներ են հասցվել Ուկրաինայի բոլոր նշանակված ռազմական ենթակառուցվածքային օբյեկտներին։ Խափանվել է նաև ռեզերվների տեղափոխումը և արտասահմանյան սպառազինության երկաթուղային փոխադրումները, շարքից դուրս են բերվել ռազմական տեխնիկայի վերանորոգման և զինամթերքի արտադրության հնարավորությունները»,- հավելել է ՌԴ ռազմական գերատեսչությունը։
Հիշեցնենք, որ մարտի 2-ին «Ռուսական կամավորական կորպուսից» մոտ 45 մարդ, ենթադրաբար, Ուկրաինայի տարածքից մտել է Բրյանսկի մարզի տարածք։ Հարձակման հետևանքով երկու մարդ զոհվել է, մեկը՝ վիրավորվել։
Տաթև Ֆռանգյան
