13.12.2024 | 22:44
Դեկտեմբերի 16-ին Հայաստանի մի շարք հասցեներում էլեկտրաէներգիայի անջատումներ կլինեն
Վերին Լարսի անցակետում կիլոմետրանոց խցանումներ են․ ռուսները վերադառնում են ՌԴ
Քաղաքականություն
09.03.2023 | 16:58
Մարտի 9-ի գիշերը Վրաստանի Վերին Լարս սահմանային անցակետի մոտ Ռուսաստանի ուղղությամբ մի քանի կիլոմետրանոց խցանում է գոյացել։ Դրան, մասնավորապես, ուշադրություն են հրավիրել Կրեմլին մերձավոր Shot և Mash տելեգրամյան ալիքները։ Խցանումների առկայության մասին են վկայում նաև Yandex.Maps ծառայության տվյալները և ականատեսների հաղորդագրությունները, գրում է Meduza-ն։
Լրատվամիջոցներեը նախ գրում էին, որ խցանումներն «օտարերկրյա գործակալների» մասին օրինագծի պատճառով Վրաստանում շարունակվող զանգվածային բողոքի ակցիաների արդյունք են։ Սակայն տեղի բնակիչներն ու ականատեսները պատմել են, որ Վերին Լարսում խցանումներ են լինում պարբերաբար՝ անցակետի անկայուն աշխատանքի պատճառով։
RTVI հեռուստաալիքն էլ նշում է, որ անցակետը փակ է մարտի 5-ից եղանակային վատ պայմանների և ձնահոսքի բարձր ռիսկի պատճառով։ Սահմանը բացվել է մարտի 7-ին, և Գուդաուրիի լեռնադահուկային հանգստավայրից վերադարձող ռուսները շատ են եղել անցակետում։
ՌԴ Դաշնային մաքսային ծառայության կայքում, սակայն, նշվում է, որ մարտի 9-ի ժամը 6։00-ի դրությամբ՝ Վերին Լարսում երկու կողմից հերթեր չեն եղել։
Էմմա Չոբանյան
