16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ Կոնգրեսի խոսնակը մերժել է Կիև գնալու՝ Զելենսկիի հրավերը
Քաղաքականություն
09.03.2023 | 16:34
ԱՄՆ Կոնգրեսի Ներկայացուցիչների պալատի խոսնակ Քևին Մաքքարթին հայտարարել է, որ չի պատրաստվում այցելել Ուկրաինա։ Այսպիսով, նա պատասխանել է Ուկրաինայի նախագահ Վլադիմիր Զելենսկիի հրավերին՝ ժամանել Ուկրաինա՝ անձամբ ծանոթանալու երկրում տիրող իրավիճակին։
Մարտի 8-ի երեկոյան ամերիկյան CNN հեռուստաալիքի եթերում Մաքքարթին, պատասխանելով Զելենսկիի հրավերի մասին հարցին, ասել է, որ ինքը Կիև գնալու կարիք չունի, և այլ կերպ տեղեկատվություն կստանա։
Նույն ալիքով հրապարակված հարցազրույցում Վլադիմիր Զելենսկին Քևին Մաքքարթիին Ուկրաինա այցելելու հրավերի մասին է հայտնել՝ մեկնաբանելով Ներկայացուցիչների պալատի խոսնակի խոսքերը Կիևին օգնության «անսահմանափակ կտրոնի» մասին։
«Պարոն Մաքքարթին պետք է գա այստեղ՝ տեսնելու, թե ինչպես ենք մենք աշխատում, ինչ է կատարվում այստեղ, ինչ է մեզ պատճառել պատերազմը, ովքեր են կռվում հիմա, դրանից հետո միայն սեփական ենթադրություններն անի»,- ասել էր ուկրաինական պետության ղեկավարը։
CNN-ը նշում է, որ ԱՄՆ-ում Կոնգրեսի երկու կուսակցությունների անդամները՝ դեմոկրատները և հանրապետականները, ներկայում աջակցում են Ուկրաինային օգնության տրամադրումը։ Այնուամենայնիվ, Ներկայացուցիչների պալատում, որտեղ հանրապետականներն այժմ մեծամասնություն ունեն, ոմանք կոչ են անում դադարեցնել Կիևին ռազմական և ֆինանսական օգնությունը:
Տաթև Ֆռանգյան
