14.01.2025 | 15:55
Էլինա Ավանեսյանը պարտվեց Ավստրալիայի բաց առաջնության մեկնարկում
Վրաստանի ընդդիմությունը հայտարարել է բողոքի ցույցերը շարունակելու ծրագրերի մասին՝ չնայած «օտարերկրյա գործակալների» մասին օրինագիծը հետ կանչելուն
Քաղաքականություն
09.03.2023 | 15:06
Մարտի 9-ի երեկոյան Թբիլիսիում ընդդիմությունը կրկին հանրահավաք է անցկացնելու՝ չնայած բողոքի ակցիաների պատճառ դարձած «օտարերկրյա գործակալների» մասին օրենքի նախագիծը խորհրդարանից հետ կանչելուն։ Այս մասին ընդդիմադիրները հայտարարել են համատեղ ճեպազրույցում, հաղորդում է Գրուզիա օնլայնը։
«Մեզ հստակություն է պետք, թե ինչպես են նրանք (իշխող «Վրացական երազանք» կուսակցությունը) մտադիր հետ կանչել այս օրենքը, քանի որ նրանց հայտարարություններն անորոշ են։ Երկրորդ՝ քանի դեռ ձերբակալվածներն ազատ չեն արձակվել, «Վրացական երազանքը» չպետք է մտածի, որ իրենց համար հեշտ է լինելու»,- ասել է Թբիլիսիի քաղաքային խորհրդի «Գիրչի» խմբակցության անդամ Ցոտնե Քոբերիձեն:
Հիշեցնենք, որ մարտի 9-ի առավոտյան իշխող կուսակցությունը հայտարարեց, որ «օտարերկրյա գործակալների» մասին օրենքի նախագիծը հետ է կանչելու խորհրդարանից՝ երկրում խաղաղություն և Վրաստանի առաջընթացը եվրաինտեգրման ճանապարհին ապահովելու համար։ Կուսակցությունը, սակայն, նշել է, որ հետագայում մտադիր է ավելի մանրամասն ներկայացնել օրինագիծը հանրությանը և բացատրել դրա ընդունման նպատակը։
Տաթև Ֆռանգյան
