17.08.2026 | 10:15
Արտարժույթների փոխարժեքները՝ օգստոսի 17-ի դրությամբ
Թուրքիայում հայտնել են Պուտին-Զելենսկի հանդիպում կազմակերպելու՝ Էրդողանի ցանկության մասին
Քաղաքականություն
09.03.2023 | 16:49
Թուրքիայի նախագահ Ռեջեփ Թայիփ Էրդողանը ցանկանում է ՌԴ-ի և Ուկրաինայի նախագահներ Վլադիմիր Պուտինի ու Վլադիմիր Զելենսկիի միջև բանակցություններ կազմակերպել այս տարվա ապրիլին։ Այս մասին Lenta.ru-ի հետ զրույցում հայտարարել է Թուրքիայի նախագահականին կից Անվտանգության և արտաքին քաղաքականության խորհրդի անդամ Չաղրի Էրհանը, փոխանցում է ՌԲԿ-ն։
«Դժվար է ասել՝ կստացվի՞, թե՞ ոչ, ԱՄՆ-ը և Մեծ Բրիտանիան ձգտում են շարունակել ռազմական գործողությունները և հանդես են գալիս Ռուսաստանի հետ ցանկացած հանդիպումների ու բանակցությունների դեմ»,- ասել է նա։
Էրհանի խոսքով՝ Անկարայի առաքելությունը ռուս-ուկրաինական կարգավորման հարցում այն է, որ հակամարտող երկրների առաջնորդները «գոնե մի անգամ հանդիպեն և ուղիղ խոսեն՝ առանց արտաքին ազդեցության» և փորձեն գտնել «իրենց ձեռնտու լուծում»։ Նա նշել է, որ Թուրքիան շարունակում է միջնորդի դերը, քանի որ ունի հասանելիություն հակամարտության երկու կողմերին։
Անկարան առաջին անգամ չէ, որ հանդես է գալիս Պուտինի ու Զելենսկիի միջև բանակցություններ կազմակերպելու նախաձեռնությամբ, սակայն այդպես էլ չի հաջողվում դա իրականացնել։
Էմմա Չոբանյան
