18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Լարված իրավիճակ Թբիլիսիում. ցուցարարները փորձում են կոտրել խորհրդարանի դարպասները. ՏԵՍԱՆՅՈՒԹ
Քաղաքականություն
09.03.2023 | 00:12
Վրաստանի խորհրդարանի մոտ իրավիճակը լարված է։ Ցուցարարները փորձում են կոտրել խորհրդարանի դարպասները և ներս մտնել։ Այս մասին գրում է Aliq Media-ն:
Նշվում է, որ ցուցարարներն իշխանություններին վերջնագիր են ներկայացրել մինչև ժամը 22:00-ը՝ անհապաղ հետ կանչել «ռուսական օրենքը», ազատ արձակել բոլոր ձերբակալվածներին:
Վերջնագրի ժամկետի ավարտից հետո ցուցարարները փորձել են ներխուժել խորհրդարան։ Նրանք սկսել են կոտրել շենքի ապակիները, ապա փորձել են կոտրել նաև բակ տանող դարպասը։
Ոստիկանությունը ջրցան մեքենաներ է կիրառել։
Խորհրդարանի բակի կողմից ուժայինները ջուր են բաց թողել՝ ցուցարարներին հետ մղելու համար։ Նրանք նաև արցունքաբեր գազ են կիրառել։ Ցուցարարները պատասխանում
են ոստիկաններին՝ ճայթրուկներ նետելով նրանց վրա։
Այս պահի դրությամբ` ուժայիններին հաջողվել է ցուցարարներին հեռացնել խորհրդարանի ծառայողական մուտքերից։
