14.12.2024 | 19:57
Ինչ իրավիճակ է ճանապարհներին 19։35-ի դրությամբ
Շառլ Միշելը մտահոգված է վրաստանյան զարգացումներով
Քաղաքականություն
08.03.2023 | 21:24
Եվրոպական խորհրդի նախագահ Շառլ Միշելը իր մտահոգությունն է հայտնել Վրաստանի խորհրդարանի մոտ մարտի 7-ին տեղի ունեցած զարգացումների վերաբերյալ։
Aliq Media-ի հաղորդմամբ՝ Twitter-յան իր միկրոբլոգում Միշելը գրել է, որ «Օտարերկրյա ազդեցության թափանցիկության մասին» օրենքի նախագիծը չի համապատասխանում Եվրամիության ուղուն։
Միշելը նշել է՝ խաղաղ բողոքի իրավունքը ցանկացած ժողովրդավարության հիմքն է:
«Ես շատ անհանգստացած եմ Վրաստանում տեղի ունեցող զարգացումներով: Օրենքի գերակայությանը և մարդկային արժեքներին նվիրվածությունը Եվրամիության առանցքային խնդիրներն են»,- գրել է Միշելը:
Մարտի 7-ին Թբիլիսիի կենտրոնում իրավիճակը լարվել էր, երբ խորհրդարանն անսպասելիորեն լիագումար նիստում քննարկեց և առաջին ընթերցմամբ ընդունեց «Օտարերկրյա գործակալների մասին» օրենքը։
Տեղում մոբիլիզացված հատուկջոկատայինները ցույցը ցրելու նպատակով կիրառել են արցունքաբեր գազ, ջրցան մեքենա, պղպեղային սփրեյ: Վաղ առավոտյան արդեն Ռուսթավելիի պողոտայում միայն ոստիկանական ուժերն էին։
