13.09.2026 | 16:49
Փաշինյանը շնորհավորել է Հայաստանի հրեական համայնքին՝ Ռոշ Հաշանայի առիթով
Թբիլիսիում բողոքի ցույցերը վերսկսվում են
Քաղաքականություն
08.03.2023 | 18:25
Թբիլիսիի կենտրոնում կրկին ցուցարարներ են հավաքվում՝ պահանջելով մերժել «օտարերկրյա գործակալների» մասին օրինագիծը։ Այս մասին հայտարարել է ընդդիմադիր «Միացյալ ազգային շարժում» կուսակցության անդամ Ակակի Մինաշվիլին, գրում է Life-ը։
«Վրաստանի քաղաքացիները՝ ակտիվիստները, տարբեր վայրերից շարժվում են դեպի խորհրդարան: Այսօր տարբեր մասնագիտությունների և գերատեսչությունների ներկայացուցիչներ կմիանան լայնածավալ ակցիային, որը տեղի կունենա 19:00-ին»,- հայտարարել է Մինաշվիլին։
Սոցցանցերում հրապարակված կադրերում ցուցարարները պաստառներով շարժվում են Վրաստանի մայրաքաղաքի կենտրոնով: Նրանցից ոմանց ձեռքում նաև Վրաստանի, Ուկրաինայի, ԱՄՆ-ի և Եվրամիության դրոշներ են։
Տեղական լրատվամիջոցները գրում են, որ ցուցարարների մի մասն արդեն հավաքվել է խորհրդարանի շենքի մոտ։
Day two of protests in #Tbilisi. Rustaveli is blocked. People are in the streets to defend their Euro-Atlantic future and resist Georgia’s shift to Authoritarianism on a pro-Russian orbit, which is solely a responsibility of current regime of Georgian Dream. #NoToRussianLaw pic.twitter.com/gWz8hc1UFd
— Katie Shoshiashvili (@KShoshiashvili) March 8, 2023
Տաթև Ֆռանգյան
