17.02.2026 | 16:12
Մակրոնը Հնդկաստան այցի ժամանակ նախատեսում է Rafale կործանիչների խոշոր գործարք կնքել
ՀՀ ԱԳՆ-ն` Բաքվի հնարավոր նոր հարձակման մասին. Միշելն ուզում է հանդիպել Փաշինյանի և Ալիևի հետ. Լուրեր
Քաղաքականություն
08.03.2023 | 16:10
- Ադրբեջանը որդեգրել է ապատեղեկատվության ու լարվածության աճի գործելակերպ՝ փորձելով կեղծ տեղեկատվական հիմքեր ստեղծել ոչ միայն Լեռնային Ղարաբաղի, այլև Հայաստանի նկատմամբ նոր ագրեսիա ծավալելու համար: Այս մասին հայտարարություն է տարածել ՀՀ ԱԳՆ-ն։ Նախարարությունից հերքել են Բաքվի պնդումները, թե հայկական կողմը զենք և զորք է ուղարկում Արցախ։ Հայաստանի ԱԳՆ-ից ընդգծում են Լեռնային Ղարաբաղ և Լաչինի միջանցք միջազգային փաստահավաք առաքելության անհապաղ գործուղման անհրաժեշտությունը՝ կանխելու Ադրբեջանի կողմից նոր ագրեսիայի սանձազերծումը և Լեռնային Ղարաբաղի ժողովրդին էթնիկ զտումների ու ցեղասպանության ենթարկելու Ադրբեջանի ակնհայտ նախապատրաստությունները
- Եվրոպական խորհրդի նախագահ Շառլ Միշելը շատ է ցանկանում, որ Հայաստանի և Ադրբեջանի ղեկավարները նորից այցելեն Բրյուսել և հանդիպեն այնտեղ։ Այս մասին հայտարարել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը` նշելով, որայդ հանդիպումը կազմակերպելու համար է անցյալ շաբաթ այցելել Երևան, այս շաբաթ` Բաքու։
- Կլաարը ադրբեջանական մամուլին նաև հայտնել է, թե կարծում է, որ Լաչինի միջանցքով տեղափոխվող բեռներիի թափանցիկության ապահովման գաղափարը լիովին օրինական է, որովհետև իրենք չեն ցանկանում, որ Լաչինի ճանապարհն օգտագործվի լարվածությունը մեծացնող բեռների տեղափոխման համար և որևէ ռազմական կամ անօրինական նպատակներով։
- Հայաստանը հնդկական 155 մմ/39 ինքնագնաց MArG հաուբիցների փորձարկումներ է անցկացրել՝ նախքան սպառազինությունը պատվիրելը, հայտնել է հնդկական մամուլը։ գործարքը կնքվել է պաշտպանական ոլորտի ցուցահանդեսում այն բանից հետո, երբ այն համապատասխանել է հայկական բանակի կողմից սահմանված հրաձգության բոլոր չափանիշներին:
Այս ժամի լուրերը՝ տեսանյութում։
