05.11.2024 | 12:30
Եվրամիությունը նախատեսում է Հայաստանին 270 մլն եվրոյի չափով աջակցություն տրամադրել․ Պարույր Հովհաննիսյան
Իրանը գաղտնի կերպով արկերի մեծ խմբաքանակ է մատակարարել ՌԴ-ին․ Sky News
Քաղաքականություն
08.03.2023 | 21:01
Իրանը գաղտնի կերպով Ռուսաստանին է մատակարարել մեծ քանակությամբ արկեր՝ Ուկրաինայի դեմ պատերազմի համար։ Այս մասին հայտնել է Sky News հեռուստաալիքը՝ հղում անելով սեփական աղբյուրին։
Նշվում է, որ հունվարին իրանական նավահանգստից ռուսական դրոշով երկու բեռնատար նավ է մեկնել Կասպից ծովով դեպի Ռուսաստան։ Ինքնաթիռում եղել է մոտ 100 միլիոն փամփուշտ և մոտ 300 հազար արկ հրթիռային կայանների, ականանետների և գնդացիրների համար։ Ըստ հեռուստաալիքի աղբյուրը՝ Մոսկվան զինամթերքի համար վճարել է կանխիկ։
Փոխադրումը, ենթադրաբար, իրականացրել են ռուսական դրոշի ներքո նավարկող «Մուսա Ջալիլ» և «Բեգեյ» նավերը։ Դրանցից մեկն Իրանից դուրս է եկել հունվարի 10-ի սահմաններում, իսկ մյուսը՝ հունվարի 12-ին։
Երկու նավերի վրա էլ եղել են մոտ 200 զենքի բեռնափոխադրման կոնտեյներներ, ինչպես նաև մոտ 10,000 զրահաբաճկոն և սաղավարտ:
Sky News-ի փորձագետները հետևել են նավերի շարժին ու պարզել, որ հունվարի 27-ին դրանք ժամանել են Աստրախան, որտեղ մնացել են մի քանի օր։
Ավելի վաղ Սպիտակ տունը հայտնել էր, որ Իրանը հրետանի և տանկային արկեր է փոխանցում Ռուսաստան՝ Ուկրաինայի դեմ պատերազմի համար։
Տաթև Ֆռանգյան
