26.07.2026 | 12:28
Վթարային ջրանջատում Երևանում և Արարատում
Չավուշօղլուն հայտնել է, որ հաջորդ շաբաթ Մոսկվայում Սիրիայի հարցով քառակողմ հանդիպում է անցկացվելու
Քաղաքականություն
08.03.2023 | 18:49
Թուրքիան աջակցել է ռուսական կողմի նախաձեռնությանը Սիրիայով հարցով աշխատանքային հանդիպում անցկացնելու վերաբերյալ, որը նախատեսվում է հաջորդ շաբաթ Մոսկվայում։ Այս մասին հայտարարել է Թուքիայի ԱԳ նախարար Մևլութ Չավուշօղլուն Իրանի ԱԳ նախարար Հոսեյն Ամիր Աբդոլահիանի հետ Անկարայում հրավիրված համատեղ ասուլիսում, գրում է Անադոլու գործակալությունը։
Նա նշել է, որ սիրիական հարցի շուրջ քառակողմ քննարկումներ են ծրագրվում Թուրքիայի, Ռուսաստանի Դաշնության, Սիրիայիյ նախագահ Բաշար ալ-Ասադի վարչակարգի և Իրանի մասնակցությամբ։ Թուրքիան ներկայացված կլինի փոխնախարարի մակարդակով։
Ըստ Չավուշօղլուի՝ Մոսկվայում սպասվելիք հանդիպման մասնակիցները հիմք են ստեղծելու ԱԳՆ ղեկավարների մակարդակով հանդիպման համար։
Խոսելով Սիրիայում իրավիճակի մասին՝ Չավուշօղլուն ասել է, որ ՄԱԿ-ը շարունակում է հումանիտար օգնության մատակարարումները։
«Փետրվարյան երկրաշարժերի հետևանքների ֆոնին Թուրքիան բացեց իր օդային տարածքը Սիրիա մարդասիրական օգնություն տեղափոխող ինքնաթիռների համար։ Մենք նաև օգնություն ենք ցուցաբերում Թուրքիայի ցամաքային սահմանով մարդասիրական բեռների մատակարարման հարցում։ 475 բեռնատար մարդասիրական օգնությամբ թուրք-սիրիական սահմանով արդեն անցել է աղետի գոտի»,- ասել է Թուրքիայի ԱԳ նախարարը։
Էմմա Չոբանյան
