13.09.2026 | 16:49
Փաշինյանը շնորհավորել է Հայաստանի հրեական համայնքին՝ Ռոշ Հաշանայի առիթով
Քըլըչդարօղլուն նախագահական մրցավազքում հաղթում է Էրդողանին․ նոր հարցում
Քաղաքականություն
08.03.2023 | 20:07
Թուրքիայի գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուն, ORC Research-ի սոցհարցման վերջին տվյալներով, առաջ է անցնում նախագահ Ռեջեփ Թայիփ Էրդողանից, գրում է Duvar-ը։
Հարցման արդյունքներով՝ Քըլչդարօղլուն ստացել է ձայների 56,8 տոկոսը, իսկ Էրդողանը՝ 43,2։ Մասնավորապես, հարցման մասնակիցներին հարցրել են՝ «Ո՞ր թեկնածուի օգտին կքվեարկեք այն իրավիճակում, երբ Էրդողանն ու Քըլըչդարօղլուն մրցեն պաշտոնի համար»:
ORC Research-ը նշում է, որ հարցումն անցկացվել է մարտի 4-6-ը՝ մինչև Քըլըչդարօղլուի թեկնածության առաջադրման մասին հայտարարելը։
Չնայած ընդդիմադիր դաշինքի «Լավ» կուսակցության ղեկավար Մերալ Աքշեները հեռացավ Քըլըչդարօղլուի թեկնածությանը դեմ լինելու պատճառով, մի քանի օր նա վերադարձավ դաշինք։ Մարտի 6-ին էլ ընդդիմադիր դաշինքը պաշտոնապես հայտարարեց Քըլըչադարօղլուի թեկնածության մասին։
Սպասվում է, որ Թուրքիայում 2023 թվականի նախագահական և խորհրդարանական ընտրությունները տեղի կունենան մայիսի 14-ին։
Էմմա Չոբանյան
