17.05.2026 | 11:41
Նիկոլ Փաշինյանը շնորհավորել է Կասիմ-Ժոմարտ Տոկաևին ծննդյան տարեդարձի առիթով
Գնահատանքի ջերմ խոսքեր եմ ցանկանում հղել Երևանի քաղաքային տնտեսության ոլորտներում աշխատող կանանց. Հրաչյա Սարգսյան
Հասարակություն
08.03.2023 | 16:46
Երևանի քաղաքապետ Հրաչյա Սարգսյանը շնորհավորական ուղերձ է հղել Կանանց միջազգային օրվա առթիվ, որում ասված է.
«Սիրելի՛ կանայք,
Սրտանց և ջերմորեն շնորհավորում եմ ձեզ գարնանային այս լուսավոր օրվա՝ Կանանց տոնի առթիվ։
Անգնահատելի է աշխարհն ավելի գեղեցիկ ու ներդաշնակ դարձնելու ձեր մղումն ու կամքը՝ սեր ու հոգատարություն սփռելով ամենուր:
Երախտագիտության և գնահատանքի ջերմ խոսքերս եմ ցանկանում հղել հատկապես Երևանի քաղաքային տնտեսության տարբեր ոլորտներում աշխատող կանանց: Ձեր բարձր մարդկային ու աշխատանքային որակների շնորհիվ զարգացում ու առաջընթաց է ապահովվում կրթության, տրանսպորտի, առողջապահության, գիտության, մշակույթի, սոցիալական, բնապահպանության և այլ ոլորտներում:
Ձեզ առողջություն, սեր և մասնագիտական վերելքներ եմ մաղթում:
Երջանիկ և սիրված եղեք, շնորհավոր Մարտի 8»:
