08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ուկրաինան պատրաստվում է մեծ հակահարձակման․ The Economist
Քաղաքականություն
08.03.2023 | 15:02
Ուկրաինայի զինված ուժերը պատրաստվում են լուրջ հակահարձակողական գործողությունների, ինչի մասին է վկայում գործընկերների կողմից արևմտյան տեխնիկայի մատակարարումը, հայտնում է The Economist-ը։
Նշվում է, որ Ուկրաինան վերջին ամիսներին ուժեր և տեխնիկա է կուտակում: Պարբերականի տվյալներով՝ Պենտագոնի կողմից պատերազմի սկզբից խոստացված ռազմական օգնության 40%-ը ստացվել է վերջին երեք ամսում։ 2023 թվականի հունվարին Գերմանիայում համաձայնեցված զենքի մատակարարումը կազմում է անցյալ տարի Ուկրաինա ուղարկված ընդհանուր սպառազինության երկու երրորդը։
Հաղորդվում է, որ Ուկրաինան շուտով կստանա ոչ միայն տանկեր, այլև այլ զրահատեխնիկա, որոնք էական դեր են խաղում հարձակողական գործողություններում։
Ընդգծվում է նաև, որ մոտ ապագայում ուկրաինական զորքերի մեկ երրորդը կհամալրվի ՆԱՏՕ-ի չափանիշներով։
«Եթե անցյալ տարվա վերջում ուկրաինական և արևմտյան համալիրների հարաբերակցությունը հինգը մեկին էր, ապա սպասվում է, որ այն կնվազի՝ հինգը երկուսի»,- գրում է թերթը։
Նշվում է, որ Ուկրաինայի Զինված ուժերի գլխավոր հրամանատար Վալերի Զալուժնին նախատեսում է երեք նոր բանակային կորպուս ստեղծել, որոնցից յուրաքանչյուրը կունենա վեց բրիգադ (յուրաքանչյուրում կլինի ավելի քան 20 հազար մարդ)։
Բացի այդ, զինվորականների մի մասը վերապատրաստվում է արտերկրում, ինչը կօգնի փոխել ռազմական գործողությունների մարտավարությունը։
Տաթև Ֆռանգյան
