14.12.2025 | 11:03
Փաշինյանը պատարագի է մասնակցում Այգեշատի Սուրբ Գևորգ եկեղեցում․ ՈՒՂԻՂ
Վրաստանում ընդդիմությունը նոր բողոքի ցույցերի կոչ է անում «օտարերկրյա գործակալների» մասին օրենքի դեմ
Քաղաքականություն
08.03.2023 | 15:30
Վրաստանի ընդդիմությունը նոր բողոքի ակցիա է հայտարարել «օտարերկրյա գործակալների» մասին օրենքի ընդունման դեմ։ Հանրահավաքը տեղի կունենա Թբիլիսիում՝ խորհրդարանի շենքի դիմաց, լրագրողներին հայտնել է ընդդիմադիր «Ռազմավարություն Աղմաշենեբելի» կուսակցության առաջնորդ Գիորգի Վաշաձեն, գրում է DW-ի ռուսական ծառայությունը։
Նա հատուկ ջոկատայիններին և ոստիկանությանը մեղադրել է նախօրեին Վրաստանի մայրաքաղաքի կենտրոնում երթի մասնակիցների նկատմամբ անհամաչափ ուժ կիրառելու մեջ։
«Բերման են ենթարկվել բազմաթիվ ցուցարարներ, որոնց թվում է նաև ընդդիմադիր «Գիրչի» կուսակցության առաջնորդ Զուրաբ Ջափարիձեն։ Մի քանի ժամից ավելի շատ մարդ կհավաքվի խորհրդարանի դիմացի հրապարակում, քան երեկ»,- ասել է նա։
Վաշաձեն վստահություն է հայտնել, որ «համաշխարհային հանրությունը միանշանակ կդատապարտի Վրաստանի ներկայիս իշխանություններին՝ խաղաղ ցույցը ցրելու համար»։
Վրաստանի ՆԳՆ-ն հայտնել է, որ բողոքի ակցիայի ժամանակ 66 մարդ է բերման ենթարկվել։ Նրանք մեղադրվում են ոստիկանությանը դիմադրություն ցույց տալու և մանր խուլիգանության համար։
Տաթև Ֆռանգյան
