09.10.2026 | 12:01
Ուկրաինական ԱԹՍ-ները հարձակվել են Կալուգայի, Տվերի, Բելգորոդի մարզերի վրա․ զոհեր կան
Լուրջ առաջընթաց ունենք տարբեր ոլորտներում կանանց ներգրավվածության գործում. Վահե Ղազարյանի ուղերձը
Հասարակություն
08.03.2023 | 13:33
ՀՀ ներքին գործերի նախարար Վահե Ղազարյանն ուղերձ է հղել Կանանց միջազգային օրվա առթիվ, որում ասված է.
«Սիրելի՛ կանայք:
Ի սրտե շնորհավորում եմ Կանանց միջազգային օրվա՝ Մարտի 8-ի կապակցությամբ:
Ձեզ հատուկ նվիրումն ու ջերմությունն է մեր երկարամյա պատմության ընթացքում պահպանել մեր ընտանիքների ամրությունն ու երկրին տվել հայրենասեր ժառանգներ, պահպանել ազգային ավանդույթներն ու ամրապնդել մեր լինելությունը:
Այսօր կանայք ոչ միայն ընտանիքում են, այլև հասարակական կյանքի բոլոր ոլորտներում, լուրջ առաջընթաց ունենք կանանց իրավունքների պաշտպանության, հզորացման, տարբեր ոլորտներում կանանց ներգրավվածության գործում:
Հատկապես իրավապահ համակարգում կանանց իմաստալից ներգրավվածությունը չափազանց կարևոր է ծառայությունների մատուցման որակի բարելավման տեսանկյունից:
Ներկա դրությամբ ոստիկանությունում ու փրկարար ծառայությունում աշխատում են բազմաթիվ կանայք, որոնք իրենց ներուժով իրականացնում են առաջադրված բոլոր խնդիրները:
Այս ուղղությամբ շարունակելու ենք քայլեր ձեռնարկել, որպեսզի ապահովվի կանանց ներգրավվածության թվի նպատակային աճը:
Սիրելի՛ կանայք:
Կրկին շնորհավորում եմ Կանանց միջազգային տոնի առթիվ և մասնագիտական նորանոր ձեռքբերումներ ու հաջողություններ մաղթում աշխատանքում:
Երջանկություն ձեզ և ձեր ընտանիքներին»:
