08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
«Հյուսիսային հոսքի» վրա պայթյունները կարող էին կազմակերպված լինել ուկրաինամետ խմբավորման կողմից․ New York Times
Քաղաքականություն
08.03.2023 | 15:58
ԱՄՆ-ին հասանելի դարձած նոր հետախուզական տվյալները վկայում են, որ «Հյուսիսային հոսք» ստորջրյա գազատարի վրա պայթյունները, որով գազը Ռուսաստանից հասնում էր Եվրոպա, կարող էր իրականացվել ուկրաինամետ խմբավորման կողմից, որը կարող էր ներառել ինչպես ուկրաինացիների, այնպես էլ ռուսների, որոնք դեմ են Վլադիմիր Պուտինին, գրում են արևմտյան լրատվամիջոցները։
Ըստ New York Times-ի՝ ամերիկացիները չեն մանրամասնել, թե որտեղից են ստացել այս տեղեկությունը և որքանով է այն հավաստի, բայց, միևնույն ժամանակ, պնդում են, որ իրենք ապացույցներ չունեն, որ Զելենսկիի վարչակազմը գիտեր այս գործողության մասին, պատրաստել կամ լիազորել է այն:
Պարբերականը հիշեցնում է, որ պայթյուններից անմիջապես հետո Լեհաստանը և Ուկրաինան շտապեցին, առանց որևէ հիմնավոր ապացույց ներկայացնելու, դրանում մեղադրել Ռուսաստանին։ Մոսկվան հերքեց մեղադրանքները և մատնանշեց Լոնդոնին, որը նույնպես հայտարարեց պայթյուններին առնչություն չունենալու մասին։
Այնուամենայնիվ, որոշ արևմտյան պաշտոնյաների կարծիքով, Կիևը և նրա դաշնակիցները, ովքեր երկար ժամանակ դեմ են արտահայտվել նախագծին, որը թույլ կտա Ռուսաստանին գազ մատակարարել Եվրոպա ուղղակիորեն, այլ ոչ թե Ուկրաինայի և Լեհաստանի միջոցով, ունեին գազատարը սաբոտաժի ենթարկելու ամենալուրջ պոտենցիալ դրդապատճառները:
Տաթև Ֆռանգյան
