09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Թուրքիայի զինուժը շարունակում է կորուստներ կրել քրդերի դեմ մարտերում
Քաղաքականություն
20.06.2018 | 17:57
Թուրքիայի հարավարևելյան սահմանամերձ Հաքքարի նահանգում բախում է տեղի ունեցել «Քուրդիստանի բանվորական կուսակցության» (ՔԲԿ-PKK) զինյալների և թուրք զինվորների միջև. փոխանցում է ermenihaber-ը:
Այդ մասին հաղորդում է Հաքքարիի նահանգապետարանը: Բախումը տեղի է ունեցել Դոլաբերեն կոչվող բարձրունքի մոտակայքում, որտեղ տեղակայված է նաև թուրքական ռազմաբազա: Նահանգապետարանի հաղորդած տեղեկությունների համաձայն` քուրդ զինյալները ականանետով կրակ են բացել թուրք զինվորների վրա, որի հետևանքով երկու հոգի սպանվել է:
Բախումից հետո քուրդ զինյալների դեմ շրջանում օդուժի աջակցությամբ լայնամասշտաբ օպերացիա է սկսվել:
Հիշեցնենք, որ «Քուրդիստանի բանվորական կուսակցությունը» հիմնադրվել է 1978թ. նոյեմբերի 27-ին Թուրքիայի Դիարբեքիր նահանգում: Կուսակցության հիմնադիրը Աբդուլլահ Օջալանի է: Նա այժմ ցմահ ազատազրկված է Թուրքիայի Իմրալը կղզու բանտում։ PKK-ն Թուրքիայում համարվում է ահաբեկչական կազմակերպություն:
