27.06.2026 | 13:33
Ռուբիոն հայտարարել է Իսրայելի և Լիբանանի միջև շրջանակային համաձայնագրի ստորագրման մասին
6-7 ամիս է՝ խաբում են, նախարարը չի հանդիպում. զոհվածի հայր․ ՏԵՍԱՆՅՈւԹ
Հասարակություն
07.03.2023 | 20:20
Այսօր զոհված զինծառայող Պալյան Պողոսյանի հարազատները հանդիպել են գլխավոր դատախազի հետ։ Նրանք հանդիպում են ակնկալում նաև պաշտպանության նախարար Սուրեն Պապիկյանի հետ։
«Գլխավոր դատախազի հետ հանդիպեցինք։ Գործն ընթացքի մեջ է, փորձաքննությունների են սպասում։ Մեզ մանրամասներ չեն հայտնել»,- Factor TV-ի հետ զրույցում նշեց զոհված զինծառայող Պալյան Պողոսյանի հայրը՝ Ջիվան Պողոսյանը։ – Մեզ հետաքրրքում է՝ մեր որդու մահն ինչից է վրա հասել, դիտավորություն է, թե դիտավորություն չէ։ Ասում են՝ քննությունը շարունակվում է, փորձաքննություններից հետո պատասխան կտանք»։
Հիշեցնենք՝ ողբերգական դեպքը տեղի էր ունեցել 2022 թվականի հուլիսի 17-ի գիշերը։ Քնած ժամանակ զինծառայողը վառարանից բռնկված հրդեհից այրվածքներ էր ստացել, ինչի հետևանքով հուլիսի 26-ին մահացել էր։
Այն, որ 6-7 ամիս է քննությունն ընթանում է և դեռևս արդյունք չկա, Ջիվան Պողոսյանի կարծիքով, պաշտպանության նախարար Սուրեն Պապիկյանի թերացման մեղքով է։
«Նախարարը խոստացել է հանդիպել մեզ հետ, բայց 6-7 ամիս է խաբում են, ՊՆ խոսնակն անընդհատ ասում է՝ այս շաբաթ, հաջորդ շաբաթ ու նորից հետաձգվում է։ Հիմա նորից խոստացել են, որ այս ուրբաթ կամ շաբաթ նախարարի հետ հանդիպում կլինի, տեսնենք՝ կլինի, թե ոչ»,- ասաց զինծառայողի հայրը։
Մանրամասները՝ տեսանյութում։
