06.06.2026 | 13:33
Քրեական աստիճանակարգության բարձրագույն կարգավիճակ ունեցող անձը և ևս մեկ անձ ձերբակալվել են
Ադրբեջանը հարձակվեց, ՌԴ-ի ռազմաբազան չպաշտպանեց մեզ․ ինչների՞ս եք պետք, կռվելու եք ՆԱՏՕ-ի՞ դեմ․ Ազատ Արշակյան. ՏԵՍԱՆՅՈՒԹ
Քաղաքականություն
07.03.2023 | 20:32
ԼՂ-ում հերթական արյունալի միջադեպն է տեղի ունեցել՝ Ադրբեջանի դիվերսիոն խմբի կողմից երեք հայ ոստիկանների սպանություն։ Դրանց այլ արյունալի ռազմական միջադեպեր էին նախորդել վերջին տասը օրում։ Factor TV-ի հարցազրույցում հասարակական գործիչ, նախկին պատգամավոր Ազատ Արշակյանին հարց ուղղեցինք՝ ըստ նրա, ինչո՞ւ հնարավոր չի լինում կանխել Լեռնային Ղարաբաղում ադրբեջանական արյունալի միջադեպերը, և որպես կանոն՝ ռուս խաղաղապահները հասնում են ուշացած։
«Ընդհանրապես՝ մենք պետք է հիմա քննարկենք, թե ում պատասխանատվության տարածքում է այդ դեպքը տեղի ունեցել, արցախցի ոստիկանները դո՞ւրս էին եկել ռուս խաղաղապահների պատասխանատվության տարածքից, այդ պատճառո՞վ է կոնֆլիկտն առաջացել։ Այդ տարածքն իրականում ռուսական պատասխանատվության տարածքն է, բոլոր մեր հարցերն ու քննարկման առարկան սա պիտի լինի՝ ո՞ր չափով են անպատասխանատու խաղաղապահ ուժերը, ովքե՞ր են հիմա պատասխանատվության ենթարկվում դրա պատճառով։ Ադրբեջանի կողմն էթնիկ զտում է անցկացնում»,- նշեց նա։
Ազատ Արշակյանն ասում է՝ եթե ՌԴ խաղաղապահների աչքի առաջ Ադրբեջանի բանակը անընդհատ անպատիժ պրովոկացիաներ է անում, արյունալի միջադեպեր սադրում, հիմնավոր կասկածներ են առաջանում, որ այդ ամենը ռուս-թուրք-ադրբեջանական համաձայնության հետևանքով է։
Հարցազրույցն ամբողջությամբ՝ տեսանյութում։
Ռոբերտ Անանյան
