08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Համազգային գործադուլ` Ֆրանսիայում
Քաղաքականություն
07.03.2023 | 18:29
Ֆրանսիայում այսօր Էմանուել Մակրոնի կառավարության կենսաթոշակային բարեփոխումների դեմ հերթական համազգային գործադուլն է անցկացվում, որին մասնակցում են տնտեսության գրեթե բոլոր ոլորտների աշխատակիցները։ Սպասվում է, որ երկրում տեղի կունենա ավելի քան 270 ցույց։
Գործադուլների պատճառով լրջորեն կխափարվի գնացքների և հասարակական տրանսպորտի շարժը, գրում է Euronews-ը։
Փարիզի Շառլ դը Գոլ, Օրլի և Բովե օդանավակայանները, ինչպես նաև երկրի խոշորագույն քաղաքների օդանավակայանները մարտի 7-ին և 8-ին 20-30 տոկոսով կնվազեցնեն թռիչքների թիվը։
Էներգետիկայի ոլորտի որոշ աշխատակիցներ ակցիայի մեկնարկի մասին հայտարարել էին անցյալ ուրբաթ, երբ ֆրանսիական ատոմակայանների աշխատակիցները սկսեցին գործադուլ անել։
Երկրի առաջատար արհմիությունները կոչ են անում հնարավորինս լայն գործողություններ ձեռնարկել՝ «ֆրանսիական տնտեսությունը ծնկի բերելու» համար, եթե կառավարությունը չչեղարկի բարեփոխումների նախագիծը, որը կբարձրացնի կենսաթոշակային տարիքը:
Տաթև Ֆռանգյան
