27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Առաջին Patriot զենիթահրթիռային համակարգերն արդեն Ուկրաինայում են
Քաղաքականություն
07.03.2023 | 16:24
Առաջին ամերիկյան Patriot զենիթահրթիռային համակարգերն արդեն Ուկրաինայում են։ Այս մասին հայտարարել է Լեհաստանի պաշտպանության նախարար Մարիուշ Բլաշչակը իսպանական La Razon-ին տված հարցազրույցում, փոխանցում է Korrespondent-ը։
«Հատկապես պետք է շեշտեմ, որ Լեհաստանի ջանքերի շնորհիվ Patriot մարտկոցները և առաջին Leopard տանկերը, ի թիվս այլ բաների, հասան Ուկրաինա։ Մենք ոչ միայն օգնության փոխանցման հիմնական կետն ենք, այլև ամենամեծ դոնորներից մեկը»,- ասել է նա։
Բլաշչակը հավելել է, որ պատերազմի սկզբից ի վեր Լեհաստանն Ուկրաինային զենք է փոխանցել ավելի քան 2,2 միլիարդ եվրոյի դիմաց։
«Ուզում եմ ընդգծել, որ միայն մեր համատեղ գործողությունները՝ ամբողջ ազատ աշխարհի գործողությունները կարող են ճիշտ կողմը թեքել այս անարդար հակամարտության կշեռքը։ Ինչ վերաբերում է ավիացիային, ապա այս հարցում անհրաժեշտ է որոշում կայացնել ավելի լայն դաշնակցային մակարդակով»,- ընդգծել է լեհ նախարարը։
Հայտնի է, որ Ուկրաինան պետք է Patriot համալիրներ ստանա ԱՄՆ-ից, Գերմանիայից և Նիդեռլանդներից։ Նախագահի աշխատակազմը հայտնել է այդ համակարգերի ստացման ժամկետները։
Գերմանիայում նաև հայտնել են, որ ուկրաինացի զինվորականները շատ արագ յուրացնում են Patriot հակաօդային պաշտպանության համակարգերը։ Իսկ Գերմանիայի պաշտպանության նախարար Բորիս Պիստորիուսը հայտնել է, որ Ուկրաինայի զինված ուժերի մոտ 1200 զինծառայող արդեն վերապատրաստվել է Գերմանիայում տարբեր մարտական համակարգերի հետ վարվելու համար։
Տաթև Ֆռանգյան
