27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
ՄԱԿ-ի տվյալներով՝ Թուրքիայում երկրաշարժերի վնասը գերազանցում է 100 մլրդ դոլարը
Քաղաքականություն
07.03.2023 | 16:01
Թուրքիայում ավերիչ երկրաշարժի հետևանքով պատճառված վնասը կգերազանցի 100 միլիարդ դոլարը։ Այս մասին հայտարարել է ՄԱԿ-ի Զարգացման ծրագրի պաշտոնյան հաջորդ շաբաթ նախատեսված դոնորների համաժողովից առաջ, գրում է Reuters-ը։
«Մինչ օրս արված հաշվարկներից պարզ է, որ կառավարության ներկայացրած վնասի ցուցանիշը և միջազգային գործընկերների կողմից վնասի աջակցությունը կլինի ավելի քան 100 միլիարդ դոլար»,- ասել է ծրագրի պաշտոնյաներից Լուիզա Վինտոնը։
Փետրվարի 6-ի ավերիչ երկրաշարժերի հետևանքով Սիրիայում և Թուրքիայում ավելի քան 52,000 մարդ է զոհվել։
Վինտոնը նշել է, որ նախնական վնասի հաշվարկներն օգտագործվում են որպես հիմք դոնորական համաժողովի համար՝ աջակցության միջոցները մոբիլիզացնելու նպատակով։ Հավաքը տեղի է ունենալու մարտի 16-ին Բրյուսելում։
Հավելենք, որ Համաշխարհային բանկը նախկինում Թուրքիայի վնասը գնահատել էր շուրջ 34,2 միլիարդ դոլար:
Էմմա Չոբանյան
