14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԵԱՀԿ/ԺՀՄԻԳ-ը սկսում է Վրաստանում «օտարերկրյա գործակալների» մասին օրինագծի ուսումնասիրությունը
Քաղաքականություն
07.03.2023 | 14:39
ԵԱՀԿ Ժողովրդավարական հաստատությունների և մարդու իրավունքների գրասենյակը (ԺՀՄԻԳ) սկսել է ուսումնասիրել «օտարերկրյա գործակալների» մասին օրենքի նախագիծը, որը քննարկվում է Վրաստանի խորհրդարանում։ Այս մասին հայտնել է Վրաստանի օմբուդսմենի մամուլի ծառայությունը, փոխանցում է ՏԱՍՍ-ը։
«Հանրային պաշտպանի դիմումի հիման վրա՝ ԵԱՀԿ/ԺՀՄԻԳ-ը սկսել է ուսումնասիրել օրենքի նախագիծը՝ միջազգային չափանիշներին համապատասխանելու համար»,- ասվում է զեկույցում։
Օմբուդսմենի գրասենյակն ընդգծում է, որ Վրաստանը պարտավորվել է ԵԱՀԿ-ին և այլ միջազգային կազմակերպություններին բաց և հանրային խորհրդակցությունների միջոցով մշակել ու ընդունել օրենքներ, հատկապես, երբ «օրենքներն ուղղակիորեն ազդում են քաղաքացիական հատվածի գործունեության վրա»։
Փետրվարին Վրաստանի խորհրդարանում գրանցվել է «օտարերկրյա գործակալների» մասին օրինագծի երկու տարբերակ՝ վրացական և ամերիկյան տարբերակները, որն օտարերկրյա գործակալների գրանցման մասին ամերիկյան օրենքի թարգմանությունն է։ Փաստաթղթի վրացական տարբերակի համաձայն՝ իրավաբանական անձը, որի ֆինանսավորման ավելի քան 20%-ը գալիս է արտերկրից, պետք է համարվի օտարերկրյա ազդեցության գործակալ։
Փաստաթղթի համաձայն՝ լրատվամիջոցները կարող են լինել նաև օտարերկրյա գործակալ, մինչդեռ նախաձեռնությունը չի վերաբերում ֆիզիկական անձանց։
Տաթև Ֆռանգյան
