27.06.2026 | 13:33
Ռուբիոն հայտարարել է Իսրայել–Լիբանան նոր համաձայնագրի մասին. Իրանը դուրս է մնում, «Հեզբոլլահը»՝ նույնպես
Ուրսուլա ֆոն դեր Լեյենը կհավակնի ՆԱՏՕ-ի գլխավոր քարտուղարի պաշտոնին․ la Repubblica
Քաղաքականություն
07.03.2023 | 15:01
Եվրահանձնաժողովի ղեկավար Ուրսուլա ֆոն դեր Լեյենը կհավակնի ՆԱՏՕ-ի գլխավոր քարտուղարի պաշտոնին, եթե չվերընտրվի ԵՀ-ում, գրում է իտալական la Repubblica-ն։
Պարբերականի տվյալներով՝ նախապատրաստական աշխատանքները սկսվել են մի քանի շաբաթ առաջ։
Մարտի 7-ից ֆոն դեր Լեյենի՝ Կանադա և ԱՄՆ ուղևորությունը պետք է դիտարկվի «այլ լույսի ներքո», այսինքն՝ ՆԱՏՕ-ի գլխավոր քարտուղարի պաշտոնում նրա թեկնածության հնարավոր առաջադրման համատեքստում, գրում է թերթը։
Հուլիսին Վիլնյուսում դաշինքի գագաթնաժողովում փորձ է արվելու մեկ տարով երկարացնել Յենս Ստոլտենբերգի պաշտոնավարման ժամկետը, որն ավարտվում է սեպտեմբերին, հայտնում է la Repubblica-ն։ Իսկ ֆոն դեր Լեյենի պաշտոնավարման ժամկետը ԵՀ-ում լրանում է 2024 թվականի ամռանը։
Ըստ իտալական պարբերականի՝ ՆԱՏՕ-ի ղեկավարի պաշտոնում ֆոն դեր Լեյենը «կատարյալ լուծում կլիներ ամերիկացիների համար, քանի որ պոտենցիալ այլընտրանքային թեկնածուները լիովին համոզիչ չեն»։
Եվրահանձնաժողովի նախագահը մարտի 7-ին կմեկնի Օտտավա, իսկ հաջորդ օրը՝ Վաշինգտոն։ ԱՄՆ մայրաքաղաքում նա կհանդիպի նախագահ Ջո Բայդենի հետ։ ԱՄՆ նախագահի մամուլի քարտուղար Կարին Ժան Պիերը հաստատել է ծրագրված հանդիպման մասին տեղեկությունը։ Նրա հայտարարության համաձայն՝ ֆոն դեր Լեյենը և Բայդենը կքննարկեն շրջակա միջավայրի և անվտանգության ոլորտներում համագործակցությունը, Ուկրաինայում տիրող իրավիճակն ու Չինաստանի հետ փոխգործակցության հարցերը։
Տաթև Ֆռանգյան
