08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ-ում ՌԴ դեսպանատունը դժգոհ է Պետքարտուղարության ներկայացուցիչների հետ ՌԴ դեսպանի չափազանց հազվադեպ հանդիպումներից
Քաղաքականություն
07.03.2023 | 13:25
Վաշինգտոնում Ռուսաստանի դեսպան Անատոլի Անտոնովի հանդիպումները ԱՄՆ Պետքարտուղարության ներկայացուցիչների հետ հազվադեպ են: Այս մասին «Ինտերֆաքս»-ի հետ զրույցում ասել է ՌԴ դիվանագիտական առաքելության մամուլի քարտուղար Իգոր Գիրենկոյին։
Նրա խոսքով՝ Անտոնովին կա՛մ մերժում են ընդունել Պետքարտուղարությունում, կա՛մ վերաուղղորդում են ցածր մակարդակի պաշտոնյաների հետ հանդիպման։
«Եղել են դեպքեր, երբ հանդիպման ժամանակ դեսպանը չի կարողացել անգամ հայտնել Ռուսաստանի դիրքորոշումը։ Նրան ընդհատել են և հասկացրել, որ ամերիկացիներն ավելի կարևոր անելիքներ ունեն, քան Ռուսաստանի կարծիքը լսելը»,- ասել է խոսնակը՝ կոչ անելով «շտկել իրավիճակը»։
Ավելի վաղ ԱՄՆ Պետքարտուղարության խոսնակ Նեդ Փրայսը հայտնել էր, որ ՌԴ դեսպանն անձնական հանդիպումներ է ունեցել Պետքարտուղարության ներկայացուցիչների հետ։
«Վաշինգտոնի և Մոսկվայի միջև կապի ուղիները բաց են մնում»,- ասել է նա։
Տաթև Ֆռանգյան
