20.03.2026 | 11:33
Դեսպան Գևորգյանը հանդիպել է նորաստեղծ Ուրուգվայ-Հայաստան բարեկամական խմբի անդամներին
Բախմուտի համար կռիվը հյուծում է ինչպես Ուկրաինայի, այնպես էլ Ռուսաստանի ուժերը․ բրիտանական հետախուզություն
Քաղաքականություն
07.03.2023 | 14:13
Ուկրաինական Բախմուտի համար պայքարը շարունակում է հյուծել երկու կողմերին։ Այս մասին ասվում է բրիտանական հետախուզության ամենաօրյա ամփոփագրում, գրում է BBC-ի ռուսական ծառայությունը։
Ըստ գնահատականների՝ հանգստյան օրերին Ուկրաինայի Զինված ուժերը, հավանաբար, կարողացել են կայունացնել պաշտպանության գիծը քաղաքի հյուսիսում ռուսական ուժերի առաջընթացից հետո։
Միևնույն ժամանակ, զեկույցի հեղինակները կարծում են, որ միակ մեծ ճանապարհի կամուրջը, որով ապահովվում են ուկրաինական զինուժի մատակարարումները, այնուամենայնիվ, պայթեցվել է ռուսական հարվածով։ Մնում են գրունտային ճանապարհները, որոնց օգտագործումը, ըստ բրիտանական հետախուզության, կդժվարանա գարնանային հալոցքի պատճառով։
Ինչ վերաբերում է ռուսական կողմի դժվարություններին, զեկույցի հեղինակները հիշեցնում են «Վագների» խմբի և Ռուսաստանի Պաշտպանության նախարարության միջև տարաձայնությունները՝ կապված զինամթերքի բաշխման հետ, որոնք անհրաժեշտ են ռուսական ուժերին՝ իրենց ներկայիս մարտավարությամբ առաջընթացի համար։
Էմմա Չոբանյան
