29.11.2024 | 18:41
Կրեմլը՝ Մոսկվա Ասադի այցի լուրերի և Սիրիայում թուրքամետ ուժերի՝ դեպի Հալեպ առաջխաղացման մասին
Թուրքիայում ավերիչ երկրաշարժերն ավելի քան 46 000 մարդու կյանք են խլել
Քաղաքականություն
07.03.2023 | 13:39
Թուրքիայում փետրվարի 6-ի ավերիչ երկրաշարժերի զոհերի թիվը հասել է 46,104-ի։ Այս մասին հայտնել է Թուրքիայի նախագահ Ռեջեփ Թայիփ Էրդողանը կառավարության նիստից հետո հրապարակված տեսաուղերձում, գրում են տեղական լրատվամիջոցները։
«Այսօր, երբ չորս շաբաթ է անցել երկրաշարժից, մենք ավելի հստակ ենք տեսնում մեր ապրած աղետի մասշտաբները, ավելի խորն ենք զգում մեր կորուստների ցավը»,- ասել է Էրդողանը։
Նա հավելել է, որ նպատակ ունեն կարճ ժամանակում վերականգնել ավերված շրջանները։
«Մեր նպատակը 244,00 շենքերի և գյուղական տիպի 75,000 տների շինարարությունն առաջիկա երկու ամիսներին սկսելն է»,- ասել է Թուրքիայի նախագահը՝ հայտնելով, որ երկու ամիսների ընթացքում աղետի գոտում տեղադրվելու են 100,000 կոնտեյներային տիպի տներ։
Էմմա Չոբանյան
