12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Transparency International-ը Ռուսաստանում անցանկալի կազմակերպություն է հայտարարվել
Քաղաքականություն
06.03.2023 | 19:43
Ռուսաստանի Գլխավոր դատախազությունը երկրում անցանկալի է ճանաչել Transparency International միջազգային ոչ կառավարական կազմակերպության գործունեությունը։ Հունվարի վերջին այս ցանկին ավելացել է նաև ռուսական ամենահայտնի անկախ լրատվամիջոցներից մեկը՝ Meduza-ն, գրում է BBC-ի ռւոսական ծառայությունը։
Խոսքն այս դեպքում Թրանսփարենսի Ինթերնեշնլի մասին է, որի կենտրոնակայանը գտնվում է Բեռլինում, և «որի ղեկավարումն իրականացվում է օտարերկրյա պետությունների քաղաքացիների կողմից», ասվում է ՌԴ Դատախազության մամուլի հաղորդագրությունում։
Կոռուպցիայի դեմ պայքարում մասնագիտացած հայտնի միջազգային կազմակերպությունը Ռուսաստանում գործում է «Թրանսփարենսի Ինթերնեշնլ-Ռ» անվանումով։ Այն ռուսական շահույթ չհետապնդող կազմակերպություն է, որը ստեղծվել է Ռուսաստանի քաղաքացիների կողմից, ասվում է կազմակերպության կայքի նկարագրության մեջ։
Դեռևս 2015 թվականի ապրիլին Ռուսաստանի Արդարադատության նախարարությունը «Թրանսփարենսի Ինթերնեշնլ-Ռ» ինքնավար ոչ առևտրային կազմակերպությունը ներառվել է «օտարերկրյա գործակալի» գործառույթներ իրականացնող ոչ առևտրային կազմակերպությունների ռեգիստրում։ Այս փաստը ևս նշված է կազմակերպության կայքում։
Մինչ այժմ Ռուսաստանում անցանկալի կազմակերպությունների ցանկում կար 75 կազմակերպություն։ Դրանում վերջինն ընդգրկվել է Լիտվայում գրանցված «Ազատ Ռուսաստանի ֆորումը»։
«Թրանսփարենսի Ինթերնեշնլը» կլինի 76-րդը, երբ Արդարադատության նախարարությունն արձագանքի Գլխավոր դատախազության որոշմանը և կազմակերպությանը ներառի գրանցամատյանում։
Տաթև Ֆռանգյան
